សមត្ថកិច្ចនគរបាលបានឃាត់ខ្លួនជនសង្ស័យ ៥នាក់ពីបទរក្សាទុកនូវសារធាតុញៀន
ខេត្តបាត់ដំបង : នៅថ្ងៃទី១៧ ខែវិច្ឆិកា ឆ្នាំ២០២១វេលាម៉ោង១៦និង៣០នាទីនៅចំណុច ភូមិ១៣មករាសង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបងអនុវត្តតាមយោបល់ដឹកនាំរបស់លោកឧត្តមសេនីយ៍ទោសាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន និងមានការសម្របសម្រួលនីតិវិធីពី ឯកឧត្តម កែវ សុជាតិ ព្រះរាជអាជ្ញា អមសាលាដំបូងខេត្តបាត់ដំបង ដែលមានលោកវរសេនីយ៍ឯកពេជ្រ សារ៉ែន អធិការនគរបាលក្រុងបាត់ដំបង បានដឹកនាំ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បង្រ្កាបករណី រក្សាទុកដោយខុសច្បាប់នូវសារធាតុញៀន ០១ ករណី ក្នុងបទល្មើសជាក់ស្តែង ឃាត់ខ្លួនជនសង្ស័យ ចំនួន០៥នាក់គឺ៖
១-ឈ្មោះ ដារ៉ា សំប៊ុន ភេទប្រុស អាយុ៣៤ ឆ្នាំ មានទីលំនៅ ភូមិ១៣ មករា សង្កាត់ព្រែកព្រះស្តេច ក្រុងបាត់ ដំបង ខេត្តបាត់ដំបង។
២-ឈ្មោះ លឿម សុវ៉ាត ហៅគួយ អាយុ៣៧ ឆ្នាំ មានទីលំនៅ ភូមិ១៣ មករា សង្កាត់ព្រែកព្រះស្តេច ក្រុងបាត់ ដំបង ខេត្តបាត់ដំបង ។
៣-ឈ្មោះ យឿង វាសនា ហៅពៅ អាយុ២៧ ឆ្នាំ មានទីលំនៅ ភូមិចំការឬស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។
៤-ឈ្មោះ ជឹម ផានុត ហៅចេក អាយុ២៣ ឆ្នាំមានទីលំនៅភូមិ១៣មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។
៥-ឈ្មោះ រិន ដារុន អាយុ២៥ ឆ្នាំមានទីលំនៅ ភូមិ១៣មករា សង្កាត់ព្រែក ព្រះស្តេច ក្រុងបាត់ដំបង ខេត្ត បាត់ដំបង ។
ក្នុងនោះដែលកម្លាំងសមត្ថកិច្ចបានដកវត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ៣១ថង់ សង្ស័យមានសារធាតុញៀន(ទម្ងន់ ១០,១៤ក្រាម (ទាំងសម្បក)
– ទូរស័ព្ទដៃចំនួន០៤ គ្រឿង
– ជញ្ជីងអេឡិចត្រូនិកសំរាប់ថ្លឹងថ្នាំញៀនលក់ចំនួន ០១គ្រឿង
– សម្ភារៈសម្រាប់ប្រើប្រាស់ និង សម្រាប់ច្រករំលែកថ្នាំញៀនលក់មួយចំនួន ។
ហើយបច្ចុប្បន្នជនសង្ស័យទាំងនោះនិងវត្ថុតាង កម្លាំងជំនាញនៃអធិការដ្ឋាននគរបាលក្រុងបាត់ដំបង កំពុងរៀបចំសំណុំរឿងបញ្ជូនទៅ ការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដើម្បីចាត់ការតាមនីតិវិធីច្បាប់។
