រដ្ឋបាលឃុំទួលពង្រចេញសេចក្ដីជូនដំណឹងស្ដីពីការបើកភូមិសន្តិភាពឡើងវិញ
រដ្ឋបាលឃុំទួលពង្រចេញសេចក្ដីជូនដំណឹងស្ដីពីការបើកភូមិសន្តិភាពឡើងវិញ ស្រុកម៉ាឡៃ : បន្ទាប់ពីបិទខ្ទប់បាន១ថ្ងៃ ភូមិសន្តិភាពដែលជាភូមិ១ក្នុងចំណោមភូមិទាំង១២ចំណុះឱ្យឃុំទួលពង្រត្រូវបានបើកឲ្យចេញចូលវិញតែត្រូវគោរពតាមវិធានសុខាភិបាលគឺបងប្អូនត្រូវប្រុងប្រយ័ត្នការពារខ្លួនដោយអនុវត្តឲ្យបានខ្ជាប់ខ្ជួននូវ ប្រការ 3 កុំ 3 ការពារហើយបើអ្នកណាមានអាការះមិនស្រួលខ្លួនត្រូវប្រញាប់រួសរាន់មកពេទ្យបង្អែកឃុំដើម្បីធ្វើតេស្តពិនិត្យសំណាករកមេរោគដោយខ្លួនឯង។ សូមជម្រាបថាក្នុងពេលថ្មីៗនេះប្រជាកសិករនៅភូមិសន្តិភាពត្រូវបានគេរកឃើញអ្នកមានផ្ទុកជំងឺដែលតាសរុបចំនួន 46នាក់ក្នុងចំណោមអ្នកដែលបានពិនិត្យសំណាកចំនួន 300 នាក់ក្នុងនោះមានទាំងលោកមេភូមិនិងជំនួយការភូមិទាំងគ្រួសារផងដែរ។អ្នកដែលមានជំងឺត្រូវបានបញ្ជូនទៅព្យាបាលនៅជំរំព្យាបាលជើងភ្នំកងវ៉ា ហើយភូមិនេះក៏ត្រូវបានរដ្ឋបាលឃុំទួលពង្រចេញលិខិតប្រកាសបិទខ្ទប់មិនឱ្យមានការចេញចូល។ប៉ុន្តែនៅថ្ងៃទី 1 ខែតុលាឆ្នាំ 2021 នេះក្រោយបានស្ដាប់សារសម្លេងរបស់សម្ដេចអគ្គមហាសេនាបតីតេជោហ៊ុនសែនរួចមករដ្ឋបាលឃុំទួលពង្រក៏បានដកបម្រាមចេញវិញ តែទាំងអ្នកនៅក្នុងភូមិនិងអ្នកដែលចេញចូលក្នុងភូមិសន្តិភាពនេះត្រូវបង្កើនការប្រុងប្រយ័ត្នការពារខ្លួនឲ្យបានខ្ពស់បំផុត។…
