អគ្គីភ័យបានឆាប់ឆេះផ្ទះមួយខ្នង ថ្មក្រោម ឈើលើ នៅចំណុចក្រុមទី២៤ ភូមិបោះពោធិ៍ ឃុំអូរដំបង១ ស្រុកសង្កែ
ខេត្តបាត់ដំបង ៖ ថ្ងៃទី ១៩ ខែកញ្ញា ឆ្នាំ២០២១ នៅវេលាម៉ោង ២២:០៥ នាទីយប់ ស្ថិតនៅចំណុចក្រុមទី២៤ ភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង មានករណីអគ្គិភ័យ កើតឡើង បណ្តាលឲ្យឆេះផ្ទះចំនួន ០១ខ្នង ទំហំ ៧មx៩ម ធ្វើពីឈើលើ ថ្មក្រោម ប្រក់ស័ង្កសី ដែលមានម្ចាស់ឈ្មោះ អ៉ិច សារី ភេទ ប្រុស អាយុ ៦៣ ឆ្នាំ រស់នៅក្នុងភូមិ ឃុំកើតហេតុខាងលើ ។បណ្ដាលឱ្យខូចខាតសម្ភារប្រើប្រាស់ក្នុងផ្ទះទាំងស្រុង ។មិនបណ្ដាលឱ្យនរណាម្នាក់រងរបួសនិងបាត់បង់ជីវិតឡើយ។
បើតាមប្រភពព័ត៌មានពីកន្លែងកើតហេតុបានឲ្យដឹងថា: មូលហេតុ បណ្តាលមកពីផ្ទុះកំប៉ុងហ្គាសតូចក្នុងផ្ទះបាយ ។
ក្រោយពីទទួលបានព័ត៌មានកម្លាំងសមត្ថកិច្ចនៃទំនាញពន្លត់អគ្គីភ័យបានចេញអន្តរាគមន៍ ភ្លាមៗនោះហើយ បានចេញរថយន្តពន្លត់អគ្គីភ័យចំនួន ០១ គ្រឿង និងប្រើប្រាស់ទឹកអស់ចំនួន ០២ រថយន្ត ហើយអគ្គីភ័យបានរលត់ទៅវិញ៕
