RMN News : ចេញផ្សាយថ្ងៃទី ១០.០៦.២០២២
https://www.rmn.asia
ភ្នំពេញ ៖ ប្រជាពលរដ្ឋរងចាំមើលថា ខណៈពេល ការបោះឆ្នោតឃុំ-សង្កាត់ ត្រូវបានបញ្ចប់ សមត្ថកិច្ចអាជ្ញាធរមូលដ្ឋានហ៊ានបង្ក្រាបទីតាំងល្បែងស៊ីសងតាមប្រព័ន្ធអនឡាញគ្រប់ប្រភេទដុះស្លែមួយកន្លែងខាងលើនេះដែរឬទេ? ល្បីថាម្ចាស់ទីតាំង មានខ្នងបង្អែកយ៉ាងក្រាស់ ទើបសមត្ថកិច្ចមូលដ្ឋានមិនធ្វើការបង្ក្រាបយ៉ាងដូច្នេះ ?
តាមការបញ្ជាក់អះអាងពីប្រជាពលរដ្ឋដែលរស់នៅម្ដុំទីតាំងខាងលើបានប្រាប់អ្នកសារព័ត៌មានឱ្យដឹងថា ពីទីតាំងខាងលើនេះ មានក្មេងស្ទាវនិងគ្រប់សមាសភាព ចូលមកសម្ងំលេងល្បែងស៊ីសងតាមប្រព័ន្ធអនឡាញ យ៉ាងគគ្រឹកគគ្រេង ជាពិសេសក្មេងញៀនថ្នាំ ស្ថិតនៅភូមិទី៧ ផ្លូវ ៨៦ សង្កាត់ស្រះចក(តំបន់បឹងកក់) ខណ្ឌដូនពេញ រាជធានីភ្នំពេញ ។
ហើយល្បែងស៊ីសងប្រប្រភេទតាមទូរទស្សន៍នេះមិនមែន មានតែនៅកន្លែងនេះតែមួយទេ នៅមានមួយទីតាំងទៀត ដែរលនៅក្បែរនោះជជាប់ផ្ទះសំណាក់សួស្ដី ។
ពលរដ្ឋដែលរស់នៅទីនោះដាក់ការសង្ស័យថា ប្រហែលលោក ចៅសងសង្កាត់ស្រះចក និងអាជ្ញាធរពាក់ព័ន្ធ ត្រូវថ្នាំសន្ដំគេហើយមេីលទៅ បានជាមេីលមិនឃេីញកន្លែងបេីកល្បែងស៊ីសងដែលនៅទីតាំងខាងលើ(តំបន់បឹងកក់)។
ជាមួយគ្នានេះដែរប្រជាពលរដ្ឋ ដែលរស់នៅក្បែរទីតាំងល្បែងស៊ីសងទាំងអស់នោះ សំណសំណូមពរដល់លោក សុខ ពេញវុធ អភិបាលខណ្ឌដូនពេញ និង លោក ទៀង ច័ន្ទសារ អធិការនគរបាលខណ្ឌដូនពេញ មានវិធានការចំពោះទីតាំងល្បែងស៉ីសងខាងលេីនេះផង។
សូមបញ្ជាក់ថា កន្លងមក លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងលោក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ បានដាក់បទបញ្ជានិងព្រមានចាត់វិធានការក្តៅទៅលើមន្ត្រីក្រោមឱវាទ អធិការ ក្រុង-ស្រុក និងនាយប៉ុស្តិ៍រដ្ឋបាលឃុំ-សង្កាត់នានា ដែលទុកបណ្តោយឲ្យមានសកម្មភាពល្បែងស៊ីសងគ្រប់ប្រភេទខុសច្បាប់។
បើយោងតាមច្បាប់ បទល្មើសល្បែងស៊ីសង ក្នុងជំពូកទី ៣ ទោសបញ្ញត្តិបានចែងនៅក្នុង មាត្រាទី ៤ ជនណាលេងល្បែងស៊ីសង ជននោះត្រូវផ្ដន្ទាទោសពិន័យជាប្រាក់ ១០០០០ រៀលដល់ ៥០០០០ រៀលឬដាក់ពន្ធនាគារពី ១ថ្ងៃដល់ ១ខែក្នុងករណីមិនរាងចាលទៀត ទោសពិន័យជាប្រាក់ពី ២០ម៉ឺនរៀល ដល់ ៥ សែនរៀល ដាក់ពន្ធនាគារពី ១ខែដល់ ១ឆ្នាំ ។
មាត្រាទី ៥ ត្រូវផ្ដន្ទាទោសពិន័យជាប្រាក់ពី ៥លានរៀល ដល់ ២០លានរៀល នឹងដាក់ពន្ធនាគារពី ១ឆ្នាំ ដល់ ៥ឆ្នាំ ចំពោះអ្នកបើកល្បែងស៊ីសង អ្នកចាត់ចែង និងភ្ងាក់ងារស៊ីសង ក្នុងករណីពុំរាងចាល ត្រូវផ្ដន្ទាទោសពិន័យដាក់ពន្ធនាគារខាងលើជាអតិបរិមា នឹងមានមាត្រាទី ៦ / ៧ / ៨ / ៩ /១០និង ១១ ទៀតផង ។
ក្រុមការងារអ្នកសារព័ត៌មានយើង Raksmey News /RMN News រងចាំការឆ្លើយបំភ្លឺ គ្រប់ស្ថាប័ន ពាក់ព័ន្ធ គ្រប់ពេល ម៉ោងធ្វើការ តាមរបបអ្នកសារព័ត៌មាន សូមអរគុណ ៕ N 7
ទូរសព្ទទំនាក់ទំនង : 012278222
https://www.rmn.asia
