សមត្ថកិច្ចនគរបាលឃាត់ខ្លួន មនុស្ស០៥នាក់ ក្នុងករណីគ្រឿងញៀន នៅភូមិត្រពាំងសេះ
ក្រុងសៀមរាប : នៅថ្ងៃសៅរ៍ ៦កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែវិច្ឆិកា ឆ្នាំ២០២១ កម្លាំងនគរបាលផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងសៀមរាប និងកម្លាំងប៉ុស្តិ៍នគរបាលសង្កាត់គោកចក ចូលរួមសហការណ៍ពីកម្លាំងការិយាល័យប្រឆាំងគ្រឿងញៀន បានចុះបង្ក្រាបបទសមគំនិត រក្សាទុក ជួញដូរ ចាត់ចែង និង ប្រើប្រាស់ដោយខុសច្បាប់នូវសារធាតុញៀន នៅចំនុចលំនៅដ្ឋានស្ថិតនៅភូមិត្រពាំងសេះ សង្កាត់ គោកចក ក្រុង ខេត្តសៀមរាប ឃាត់ខ្លួនជនសង្ស័យចំនួន០៥នាក់ :
១-/ឈ្មោះ ឃី ទី ភេទប្រុស ឆ្នាំកំណើត២០០០ ជនជាតិខ្មែរ មុខរបរ កម្មករ មានទីលំនៅភូមិជ័យ សង្កាត់ទឹកវិល ក្រុង ខេត្តសៀមរាប ។(រក្សាទុក ជួញដូរ និងប្រើប្រាស់) (មានសារធាតុ ញៀននៅក្នុងខ្លួន)
២-/ឈ្មោះ គឹម សុគុណ ហៅចយ ភេទប្រុស ឆ្នាំកំណើត ២០០៤ ជនជាតិខ្មែរ មុខរបរ កម្មករ មានទីលំនៅភូមិ ត្រពាំងសេះ សង្កាត់ គោកចក ក្រុង ខេត្តសៀមរាប ។(ជួញដូរ និងប្រើប្រាស់) (មានសារធាតុ ញៀននៅក្នុងខ្លួន)
៣-/ឈ្មោះ ហៃ សុផៃ ភេទប្រុស ឆ្នាំកំណើត ២០០១ ជនជាតិខ្មែរ មុខរបរ គ្មាន មានទីលំនៅភូមិ តាភុល សង្កាត់ ស្វាយដង្គំ ក្រុង ខេត្តសៀមរាប ។(ចាត់ចែង និងប្រើប្រាស់) (មានសារធាតុ ញៀននៅក្នុងខ្លួន)
៤-/ឈ្មោះ ស៊ីវ ទីទី ភេទប្រុស ឆ្នាំកំណើត ២០០០ ជនជាតិខ្មែរ មុខរបរ កម្មករសំណង់ មានទីលំនៅភូមិ ទ្រាំង សង្កាត់ ស្លក្រាម ក្រុង ខេត្តសៀមរាប ។(សមគំនិតជួញដូរ) (គ្មានសារធាតុ ញៀននៅក្នុងខ្លួន) ។
៥-/ឈ្មោះ ណាង ចាន់ណា ភេទប្រុស ឆ្នាំកំណើត ២០០៥ ជនជាតិខ្មែរ មុខរបរ កម្មករសំណង់ មានទីលំនៅភូមិ ទ្រាំង សង្កាត់ ស្លក្រាម ក្រុង ខេត្តសៀមរាប ។(ជួញដូរ) (គ្មានសារធាតុ ញៀននៅក្នុងខ្លួន)។
សមត្ថកិច្ចដកហូតវត្ថុតាង: ម្សៅមេតំហ្វេតាមីនចំនួន០៣កញ្ចប់ ស្មើនឹងទម្ងន់ ១១.២៥ក្រាម(ទម្ងន់សុទ្ធ) ជញ្ជីងថ្លឹងគ្រឿងញៀនចំនួន០១គ្រឿងនិងសម្ភារ:វេចខ្ចប់ឧបករណ៍ប្រើប្រាស់គ្រឿងញៀនខុសច្បាប់មួយចំនួន ទូរស័ព្ទដៃចំនួន០៤គ្រឿង។ បច្ចុប្បន្ន ជនសង្ស័យព្រមទាំងវត្ថុតាងត្រូវបានការិយាល័យជំនាញបញ្ជូនទៅសាលាដំបូងខេត្តសៀមរាប ៕
