ថយរថយន្តកិនធុងហ្កាសផ្ទុះឆេះខ្ទេចអស់២គ្រឿង និងមានមនុស្សធ្ងន់ម្នាក់ ផ្សារអូអំបិលក្រុងសេរីសោភ័ណ

ខេត្តបន្ទាយមានជ័យ : នៅវេលាម៉ោង ៧.៣០នាទីព្រឹក ថ្ងៃ២៩ ខែ តុលា ឆ្នាំ ២០២១ នៅចំណុច ខាងលិច ផ្សារ អូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យប្រជាពលរដ្ឋធ្វើដំណើរតាមផ្លូវជាតិលេខ ៥ និង ប្រជាពលរដ្ឋរស់នៅជិតផ្សារអូរអំបិល រត់ជាន់ជើងគ្នាមានការភ័យខ្លាចយ៉ាងខ្លាំង ដោយសារតែ មានរថយន្ត ស៊ីទែន និងរថយន្ត តូច ឆាបឆេះយ៉ាងសន្ធោសន្ធៅហើយបណ្តាលឱ្យមនុស្សម្នាក់ត្រូវឆេះពេញខ្លួនរងរបួសធ្ងន់។

បើតាមការអះអាងរបស់ លោកអ៊ំុរាត្រី អភិបាលនៃគណអភិបាលខេត្តបន្ទាយមានជ័យបានប្រាប់អ្នកយកព័ត៍មានយើងឲ្យដឹងថា ម្ចាស់ ការ៉ាសមានឈ្មោះ លោកជាលី ភេទប្រុស អាយុ៦៨ ឆ្នាំ ប្រពន្ធឈ្មោះ លឹមប៊ុនលី អាយុ៦៣ ឆ្នាំ បានផ្ទេរប្រេងពីរថយន្តស៊ីទែនសាំង ដាក់រថយន្តតូច ក្រោយពីបូមរួច ក៏ឡើងបើករថយន្ថថយក្រោយ មិនបានមើលថាមានធុងហ្កាសនៅក្រោយរថយន្តក៏បើកជាន់បណ្តាលឲ្យផ្កាភ្លើងចេញពីធុងហ្កាសឆាបឆេះយ៉ាងសន្ធោសន្ធៅតែម្តងទៅ។

លោកអ៊ំុរាត្រីបានបញ្ជាក់ឲ្យដឹងបន្តទៀតថាមួយសន្ទុះក្រោយមក គេឃើញវត្តមាន លោក សិទ្ធិ ឡោះ ស្នងការនគរបាលខេត្តបន្ទាយមានជ័យ លោក បោនប៊ិន មេបញ្ជាការកងរាជអាវុធហត្ថខេត្ត លោកជឹមប៊ុន អាន មេបញ្ជាការតំបន់ប្រតិបត្តិការសឹករងខេត្តបន្ទាយជ័យ រដ្ឋបាលក្រុងសិរីសោភ័ណ និងកូនចៅក្រោមឱវាទជិត ១០០នាក់ មកជួយធ្វើអត្តរាគមន៍ ក្នុងនោះមានរថយន្តពន្លត់អគ្គីភ័យ របស់ស្នងការនគររបាលខេត្ត៣គ្រឿង ជួយបាញ់ទឹកពន្លត់ភ្លើងយ៉ាងសស្រាក់ សស្រាំ កន្លះម៉ោងក្រោយមកភ្លើងដែលឆេះរថយន្តទាំង២គ្រឿងនោះបានរលត់ជាស្ថាពរ។

ការខូចខាតរួមមាន រថយន្ត តូច និង រថយន្តសុីទែនដឹកសាំង ឆេះខ្ទេចអស់ អ្នកបើករថយន្តជាម្ចាស់ការ៉ាសឈ្មោះជាលីរបួសធ្ងន់ និងទ្រព្យសម្បត្តិគួបផ្សំមួយចំនួន គិតជាទឹកប្រាក់មិនទាន់ដឹងអស់ប៉ុន្មាននោះទេ។  ដូចនេះ អ្នកបើកបរទាំងឡាយ គប្បីមានបម្រុងប្រយ័ត្នខ្ពស់ មុនចេញរថយន្ត ចៀសវាងកើតឧប្បទ្ទវហេតុដូចថ្ងៃនេះ ។  ដោយ៖ ឧត្តម