គ្រោះថ្នាក់ចរាចរណ៍រវាងម៉ូតូនិងម៉ូតូ បណ្ដាលឲ្យមនុស្ស៣ នាក់ របូសធ្ងន់ ក្នុងនោះមានកូនង៉ាម្នាក់អាយុទើបតែ៧ខែ នៅភូមិសូរិយា ស្រុកអូរជ្រៅ

ខេត្តបន្ទាយមានជ័យ : នៅម៉ោង១៦ រសៀលថ្ងៃទី ៤ ខែវិច្ឆិកា ឆ្នាំ២០២១ នៅចំណុចលើផ្លូវជាតិលេខ ៥ ស្ថិតក្នុងភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យ មានករណីម៉ូតូយ៉ាម៉ាហាបុកនិងម៉ូតូវេវ ពេញទំហឹងបណ្តាលឲ្យអ្នកបើកទាំងសងខាង ថែមទាំង ទារកអាយុ៧ខែ១នាក់ទៀតរបួសធ្ងន់ ។ 

នគរបាលស្រុកអូរជ្រៅ បានឲ្យដឹងថានៅមុនពេលកើតហេតុមានម៉ូតូម៉ាកហុងដាវេវ គ្មានស្លាកលេខពណ៌ខ្មៅអ្នកបើកមាន ឈ្មោះ នួន នុយ ភេទប្រុស អាយុ ៥៨ឆ្នាំ រស់នៅភូមិ សូរិយាថ្មី ឃុំកូប ស្រុកអូរជ្រៅ  ខេត្តបន្ទាយមានជ័យ អ្នកបើកបរមានពរចៅនៅនឹងដៃ បម្រុងបើកឆ្លងផ្លូវ មិនបានប្រយ័ត្ន ស្របពេលនោះមានម៉ូតូធំ១គ្រឿងម៉ាកយ៉ាម៉ាហា ពណ៌ក្រហម ពាក់ស្លាកលេខ ប.មានជ័យ 1R 8493បើកបរដោយ ឈ្មោះ ឈឹម ចន្ថា  ភេទប្រុស អាយុ ៣១ ឆ្នាំ រស់នៅភូមិអូរធំ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ  បើកក្នុងល្បឿនលឿនលុះជិៈ មកដល់កន្លែងកើតហេតុស្រាប់តែបុកម៉ូតូវេវពេញទំហឹង បណ្តាលឲ្យរបួសធ្ងន់ទាំង៣នាក់។

ក្រោយពីកើតហេតុហើយអ្នករងគ្រោះ ត្រូវបានបញ្ជូនទៅមន្ទីរពេទ្យបង្អែកស្រុកអូរជ្រៅធ្វើការសង្គ្រោះបន្ទាន់ភ្លាមៗ។

ចំណែកម៉ូតូទាំង២គ្រឿងនគរបាលយកទៅរក្សាទុកនៅអធិការនគរបាល ស្រុកអូរជ្រៅ រងចាំធ្វើការដោះស្រាយនៅពេលក្រោយ ៕   ដោយ៖ ឧត្តម