ត្រូវគោរពច្បាប់ចរាចរណ៍ទាំងអស់គ្នា មិនថាមន្ត្រីថ្នាក់ធំឬតូច ប្រជាពលរដ្ឋ ត្រូវតែគោរពច្បាប់ !!!!!
ភ្នំពេញ : នៅព្រឹកថ្ងៃទី២៧ ខែតុលា ឆ្នាំ២០២១ អភិបាលរាជធានីភ្នំពេញ ឯកឧត្តម ឃួង ស្រេងនិងលោកឧត្តមសេនីយ៍ឯក ស ថេត សស្នងការនគរបាលរាជធានីភ្នំពេញ បានចូលខ្លួនមកបង់ប្រាក់ផាកពិន័យ៦ម៉ឺនរៀលនៅអធិកាដ្ឋានគរបាលខណ្ឌដង្កោ ករណីលោកបានជិះម៉ូតូត្រួតពិនិត្យស្ថានភាពទឹកជំនន់នៅក្នុងខណ្ឌដង្កោមិនបានពាក់មួកសុវត្ថិភាព ។
ទាក់ទិននិងករណីមិនបានពាក់មួកសុវត្ថិភាពនេះ លោក ម៉េត មាសភក្ដី អ្នកនាំពាក្យសាលារាជធានីភ្នំពេញបាន និយាយថាតាមពិតទៅ អភិបាលរាជធានីភ្នំពេញ លោក ឃួន ស្រេងក៏បានយកយកមួកសុវត្ថិភាពមកពាក់ដែរ មូលហេតុដោយមិនបានពាក់មួកសុវត្ថិភាព កញ្ចក់មួកស្រអាប់ពេកពិបាកមេីលផ្លូវ ម្យ៉ាងទៀតដោយមានការបន្ទាន់ចុះពិនិត្យមេីលស្ថានភាពទឹកជំនន់ដេីម្បីរកដំណោះស្រាយជួយប្រជាជនផងនោះ ទើបលោកអភិបាលបេីកម៉ូតូទៅដោយមិនបានពាក់មួកសុវត្ថិភាព ។
ក្រោយពីមានការរិះគន់ដើម្បីចូលរួមអនុវត្តច្បាប់ចរាចរណ៍ទាំងអស់គ្នា លោក ឃួង ស្រេង អភិបាលនៃគណៈអភិបាល រាជធានីភ្នំពេញនិងលោកឧត្តមសេនីយ៍ឯក ស ថេត បានចូលខ្លួនបង់ប្រាក់ពិន័យតាមផ្លូវច្បាប់នៅស្នាក់ការនគរបាលចរាចរណ៍ផ្លូវគោក បង្ហាញពីការទទួលស្គាល់កំហុសដោយអចេតនា ទោះបីលោកនិងសហការី ប្រឈមនឹងការមមាញឹកការងារ ជួយធ្វើអន្តរាគមន៍រំដោះប្រជាពលរដ្ឋរងគ្រោះ ដោយជំនន់ទឹកភ្លៀង ទាំងយប់ ទាំងថ្ងៃក៏ដោយ ។
ហើយការចាប់ផាកពិនយ័ របស់មន្ត្រីនគរបាលចរាចរណ៍ដោយឆន្ទះ ជាទង្វើបំពេញការងារតាមកាតព្វកិច្ច គួតែមានការលើកទឹកចិត្តដល់មន្ត្រីនគរបាលចរាចរផងដែរ ដែលហ៊ានផាក់ពិន័យថ្នាក់ដឹកនាំរបស់ខ្លួន៕
