ករណីអគ្គីភ័យមួយបានកេីតឡេីងដោយផ្ទុះធុងហ្គាសស្ថិតនៅ កោះរ៉ុង ខេត្តព្រះសីហនុ
ខេត្តព្រះសីហនុ៖នៅព្រឹកថ្ងៃទី៧ខែតុលា ឆ្នាំ ២០២១ វេលាម៉ោង ០៨និង១០ នាទី មានករណីអគ្គីភ័យមួយកេីតឡេីងដោយផ្ទុះធុងហ្គាសចេញពីផ្ទះលោក ហាប់ សៀកលី ជួលទៅអោយលោក ប៊ុន ថន លក់បាយ ស្ថិតនៅភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ។
តាមការបញ្ជាក់ពីសមត្ថកិច្ចបានឲ្យដឹងថា : ការខូចខាតឆេះផ្ទះ០៤ល្វែងមានដូចខាងក្រោម៖+ ទី១ផ្ទះរបស់ឈ្មោះ ហាប់ សៀកលី ត្រូវបានឆេះអស់ពីរល្វែង មួយល្វែងឆេះទាំងស្រុង និងមួយល្វែងទៀតឆេះអស់១០ភាគរយ (ត្រង់ដំបូលផ្ទះ) ដែលមានទំហំ ០៥ x២០ ម៉ែត្រ សាងសង់ដោយ ដេីមឬស្សី ដំបូលប្រកស័ង្កសី និង ស៊ីប្រូ ។
+ ទី២ផ្ទះរបស់ឈ្មោះ ឃួន កា ត្រូវបានឆេះអស់ពីរល្វែងមួយល្វែងឆេះអស់៦០ ភាគរយ ផ្នែកខាងជាន់លេី និងមួយល្វែងទៀតឆេះអស់១០ភាគរយ ដែលមានទំហំ ០៥ x២០ ម៉ែត្រ សាងសង់អំពីឈេី ដំបូលប្រកស័ង្កសី និង មួយល្វែងទៀតប្រកស៊ីប្រូ ផលបះពាល់អស់ ១០ ភាគរយ (ត្រង់ដំបូលផ្ទះ) ។
សូមបញ្ជាក់ផងដែលថា ករណីខាងលេីនេះបណ្តាលអោយស្ត្រីម្នាក់រងរបួសរលាកភ្លេីងមួយចំហៀងខ្លួន មានឈ្មោះ ទៅ បឿន ភេទ ស្រី អាយុ ៣៤ ឆ្នាំ កំពុងសម្រាកព្យាបាលនៅផ្ទះ ។ អគ្គិភ័យឆាប់ឆេះខាងលើនេះត្រូវបានកម្លាំងសមត្ថកិច្ច និងអាជ្ញាធរពាក់ព័ន្ធនិងប្រជាពលរដ្ឋ បានធ្វេីការអន្តរាគមន៍ជួយពន្លត់មិនអោយរាលដាលដល់កន្លែងផ្សេងទៀតទេ ៕
