សមត្ថកិច្ចនគរបាលខណ្ឌកំបូលឃាត់ខ្លួនបុរសម្នាក់ករណីជួញដូរដោយខុសច្បាប់នូវសារធាតុញៀន ប្រព្រឹត្តនៅក្នុងមូលដ្ឋានសង្កាត់កន្ទោក

ភ្នំពេញ : ដោយមានការចង្អុលបង្ហាញពីលោកវរសេនីយ៍ឯក ហង្ស មុនី អធិការនគរបាលខណ្ឌកំបូល នៅថៃ្ងទី២៨ ខែកញ្ញា ឆាំ្ន២០២១ វេលាម៉ោង១៧:៣០នាទី កម្លាំងផ្នែកប្រឆាំងគ្រឿងញៀន សហការជាមួយកម្លាំងផ្នែកព្រហ្មទណ្ឌ ដឹកនាំដោយលោកវរសេនីយ៍ទោ ទូច សម្បត្តិ អធិការរងទទួលផែនប្រឆាំងគ្រឿងញៀន បានកំណត់មុខសញ្ញាឈានដល់ការឃាត់ខ្លួន ជនសង្ស័យចំនួន០១នាក់ ដែលបានប្រព្រឹត្តបទលើ្មស ជួញដូរដោយខុសច្បាប់នូវសារធាតុញៀន នៅចំណុចផ្លូវជាតិលេខ៤ ភូមិព្រៃបឹង សង្កាត់កន្ទោក ខណ្ឌកំបូល រាជធានី​ភ្នំពេញ ។ជនសង្ស័យ ឈោ្មះ អាន ចាន់ធៀង ភេទប្រុស អាយុ៣៩ឆាំ្ន ជនជាតិខែ្មរ មុខរបរមិនពិតប្រាកដ ស្នាក់នៅមិនពិតប្រាកដ។ (មានសារធាតុញៀន)

វត្ថុតាងដែលសមត្ថកិច្ចបានចាប់យកមាន:ក្រាមពណ៌សថ្លា មានតំរុយជាគ្រឿងញៀន មេតាហ្វេតាមីន ចំនួន០៦កញ្ចប់ថង់ (០២កញ្ចប់ថង់ធំល្មម និង០៤កញ្ចប់ថង់តូច) ទម្ងន់ ៣,០៩ក្រាម ម៉ូតូ០១គ្រឿង ម៉ាកហុងដាសេ១២៥ ស្លាកលេខភ្នំពេញ 1IA-8418 និងទូរស័ព្ទដៃ០១គ្រឿង ម៉ាក Hawei ពណ៌ខៀវ ។

បច្ចុប្បន្នជនសង្ស័យខាងលើ រួមនឹងវត្ថុតាង ត្រូវបានកម្លាំងជំនាញនៃអធិការដ្ឋាននគរបាលខណ្ឌកំបូល កំពុងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ ៕