ស្ពានចាស់ទ្រុឌទ្រោមនិងផ្លូវខូចមួយចំនួនក្នុងភូមិ២ សង្កាត់កាចាញក្រុងបានលុង ត្រូវបានជួសជុលនិងសង់ឡើងវិញដោយមន្ទីរសាធារណះការ និងដឹកជញ្ជូនខេត្តរតនគិរី យ៉ាងមកមាញឹក
ទន្ទឹមនឹងការចុះជួសជុលស្ពានដែលចាស់ទ្រុឌទ្រោមមួយកន្លែងនេះដែរ លោកឃឹម រមណី អនុប្រធានមន្ទីរសាធារណះការនិងដឹកជញ្ជូនខេត្តនិងជាប្រធានលេខាធិការដ្ឋានក្រុមការងារត្រួតពិនិត្យបទដ្ឋានបច្ចេកទេសសាងសង់ទ្វារមានលូផ្លូវថ្នល់ដែលដឹកនាំក្រុមការងារចុះជួយជួសជុលស្ពានបានបញ្ជាក់ថាស្ពានដែលជួសជុលនេះមានទទឹង ៤.៥០ ម៉ែត្រ ១២ ម៉ែត្រធ្វើអំពីស្ពានដែកម៉ាឡេក្រាលឈើដោយប្រើប្រាស់ថវិកា ក្រសួងសាធារណះការនិងដឹកជញ្ជូន ដែលផ្ដល់ជូនឲ្យមន្ទីរសាធារណះការនិងដឹកជញ្ជូនខេត្តដើម្បីសាងសង់បន្ទាន់ សម្រាប់សម្រួលដល់ការធ្វើដំណើរចរាចរណ៍ដឹកកសិផលចេញ ចូលរបស់បងប្អូនប្រជាពលរដ្ឋ។
ជាមួយគ្នានេះដែរលោកសាយ សាមៀន ប្រធានមន្ទីរសាធារណះការ និងដឹកជញ្ជូនខេត្តក៏ បានអំពាវនាវ ទៅដល់បងប្អូនប្រជាពលរដ្ឋដែលអ្នកប្រើប្រាស់ផ្លូវជាពិសេសក្រុមហ៊ុនសហគ្រាសដែលមានរថយន្តធំៗសូមកុំដឹកឲ្យលើសទម្ងន់ដែលនាំឲ្យប៉ះពាល់ នូវការខូចខាតស្ពានផ្លូវប្រើប្រាស់មិនបានយូរអង្វែង លោកក៏បានស្នើដល់ក្រុមហ៊ុនដែលមានរថយន្តដឹកដី ដឹកខ្សាច់ ដឹកថ្ម ដែលចរាចរណ៍តាមផ្លូវលំ សូមបងប្អូនកុំធ្វើចរាចរណ៍ នៅពេលមេឃកំពុងភ្លៀងហើយកុំដាក់លើសទម្ងន់ជាដាច់ខាត ត្រូវស្របតាមបទដ្ឋានរបស់ក្រសួងសាធារណការនិងដឹកជញ្ជូនទើបយើងអាច ប្រើប្រាស់ផ្លូវបានយូរអង្វែង និងមិនខាតថវិកាជាតិ៕ដោយ:ស៊ាងលឿន
