មន្ត្រីនគរបាល០៦នាក់ដែលកំពុងសម្រាកព្យាបាលជម្ងឺកូវីត ទទួលបានអំណោយពីលោកស្នងការនគរបាលខេត្តបន្ទាយមានជ័យ

ខេត្តបន្ទាយមានជ័យ : នៅរសៀល ថ្ងៃទី ៣០ ខែ មិថុនា ឆ្នាំ ២០២១ លោក ឧត្តមសេនីយ៍ត្រី វង្ស វិត ស្នងការរង ផែនការងារ ធនធានមនុស្ស តំណាងឱ្យលោក ឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានចុះសួរសុខទុក្ខ និង លើកទឹកចិត្ត កងកម្លាំងដែលឆ្លងកូវីដ១៩ ចំនួន ៦នាក់ លើ៣ទីតាំង -ទីតាំងទី ១ នៅក្រុងប៉ោយប៉ែត ចំនួន២នាក់ -ទីតាំងទី២ នៅទឹកថ្លា ក្រុងសិរីសោភ័ណ ចំនួន២នាក់ -និងទីតាំងទី៣ នៅ មណ្ឌលកងវ៉ា ក្រុងសិរីសោភ័ណ ចំនួន២នាក់ និងបាននាំយកអំណោយ ជាគ្រឿងឧបភោគ បរិភោគនិងថវិកាទៅចែកជូនកងកម្លាំងទាំងនោះផងដែរ។

អំណោយដែលត្រូវចែកជូន រួមមាន ថវិកា ចំនួន ១.៨០០.០០០ រៀល (មួយលានប៉ែតសិបមុឺនរៀល) ទឹកសុទ្ធវីតាល់ ចំនួន ១២កេស ទឹកក្រូច ៦កេស ក្នុងនោះកម្លាំងម្នាក់ៗទទួលបាន ថវិកា ៣០មុឺនរៀល ទឹកសុទ្ធវីតាល់ ២កេស និង ទឹកក្រូច១កេស ។

លោកឧត្តមសេនីយ៍ត្រី វង្ស វិត ក៏បានដាស់តឿនដល់កងកម្លាំងទាំងអស់ដែលកំពុងសម្រាកព្យាបាល ត្រូវយកចិត្តទុកដាក់មើលថែសុខភាពឲ្យបានល្អ និងត្រូវបន្តអនុវត្តន៍គោលការណ៍៣កុំ ៣ការពារ។

By rmnasia

Leave a Reply

Your email address will not be published. Required fields are marked *

You missed

ឧត្តមសេនីយ៍ឯក រ័ត្ន ស្រ៊ាង ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែនឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ និងមន្ត្រីក្រោមឱវាទ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។យើងខ្ញុំសូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕