សមត្ថកិច្ចមន្ទីរប្រឆាំងគ្រឿងញៀនបានឃាត់ខ្លួនជនជាតិចិន៣នាក់ រួមនឹងគ្រឿងញៀនមួយចំនួនធំ នៅខេត្តព្រះសីហនុ

ខេត្តព្រះសីហនុ ៖ នៅថ្ងៃអង្គារ ៦កើត ខែអស្សុជ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១២ ខែតុលា ឆ្នាំ២០២១នេះ ដោយមានការដឹកនាំបញ្ជាពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានណែនាំឱ្យកម្លាំងនគរបាលជំនាញប្រឆាំងគ្រឿងញៀន ដោយមានការដឹកនាំសម្របសម្រួលនីតិវីធីពីលោក ពេញ ពិសិដ្ឋ ព្រះរាជ្ញអាជ្ញារងផងនោះ បានធ្វើប្រតិបត្តិការបង្ក្រាបករណីជួញដូរគ្រឿងញៀនកាលពីយប់ថ្ងៃទី១១ ខែតុលា ឆ្នាំ២០២១ វេលាម៉ោង២០និង០០នាទី សមត្ថកិច្ចបានឃាត់ខ្លួនជនសង្ស័យម្នាក់នៅចំណុចខាងក្រោយកាស៊ីណូហួយ ហ័រ ក្រុមទី១១ ភូមិ០១ សង្កាត់០២ ក្រុង-ខេត្ដព្រះសីហនុ។

ជនសង្ស័យមានឈ្មោះ ZHANG HONG YOU ភេទប្រុស អាយុ៥៣ឆ្នាំ ជនជាតិចិន មុខរបរមិនពិតប្រាកដ មានទីលំនៅបច្ចុប្បន្ន ក្រុមទី២១ ភូមិ០៤ សង្កាត់០៣ ក្រុងព្រះសីហនុ ខេត្ដព្រះសីហនុ ។វត្ថុតាងដកហូតបានរួមមាន៖១/ម្សៅក្រាមសង្ស័យជាសារធាតុញៀនចំនួន២៦កញ្ចប់២/ម្សៅសថ្លាសង្ស័យជាសារធាតុញៀនចំនួន១១កញ្ចប់៣/ថ្នាំញៀនអុិចស្តាសុី ប្រភេទម្សៅ(MDMA) ចំនួន០១កញ្ចប់៤/ថ្នាំញៀនអុិចស្តាសុី ប្រភេទទឹក(MDMA)ចំនួន០៤ដប៥/ថ្នាំគ្រាប់មានអក្សរWY មេតំហ្វេតាមីន ចំនួន០៣កញ្ចប់៦/ទូរស័ព្ទចំនួន០២គ្រឿង ។

តាមការបញ្ជាក់របស់សមត្ថកិច្ចបានឲ្យដឹងថា : នៅវេលាម៉ោង២៣ និង៥០នាទីថ្ងៃខែឆ្នាំដដែល តាមចម្លើយសារភាពរបស់ជនសង្ស័យខាងលើ កម្លាំងជំនាញក៏បានឈានដល់ឆែកផ្ទះជួលមួយកន្លែងនៅក្រុម២១ ភូមិ០៣ សង្កាត់០៤ ក្រុងព្រះសីហនុ ខេត្តព្រះសីហនុ ក៏បានឃាត់ខ្លួនជនសង្ស័យចំនួន០២នាក់ទៀត ។ទី១/ឈ្មោះ CHEN JING HUAI ភេទប្រុស អាយុ៣៦ឆ្នាំ ជនជាតិចិន មុខរបរ មិនពិតប្រាកដ មានទីលំនៅបច្ចុប្បន្ន ក្រុម២១ ភូមិ០៣ សង្កាត់០៤ ក្រុងព្រះសីហនុ ខេត្តព្រះសីហនុ ។ទី២/ឈ្មោះ CHEN GUO FENG ភេទប្រុស អាយុ២៩ឆ្នាំ ជនជាតិចិន មុខរបរមិនពិតប្រាកដ មានទីលំនៅបច្ចុប្បន្ន ក្រុម២១ ភូមិ០៣ សង្កាត់០៤ ក្រុងព្រះសីហនុ ខេត្តព្រះសីហនុ ។វត្ថុតាងដកហូតបានរួមមាន ៖– ម្សៅក្រាមសថ្លាសង្ស័យជាសារធាតុញៀនចំនួន០៥កញ្ចប់-រុក្ខជាតិក្រៀមសង្ស័យជាសារធាតុចំនួន០១កញ្ចប់– ម្សៅក្រាមសង្ស័យជាសារធាតុចំនួន១២ កញ្ចប់-ថ្នាំគ្រាប់អក្សរWY មេតំហេ្វតាមីនចំនួន ១៣កញ្ចប់-ថ្នាំញៀនអ៊ិចស្តាស៊ីប្រភេទទឹក(MDMA) ចំនួន០២ដប-ថ្នាំញៀនអ៊ិចស្តាស៊ីប្រភេទម្សៅ(MDMA) ចំនួន០២កញ្ចប់-ម្សៅក្រាមពណ៌ប្រផេះសង្ស័យជាសារធាតុញៀនចំនួន០១កញ្ចប់-ជញ្ជីងថ្លឹងថ្នាំចំនួន០២គ្រឿង-ទូរស័ព្ទចំនួន ០១ គ្រឿង ។

លុះមកដល់វេលាម៉ោង២រំលងអធ្រាត្រឈានចូលថ្ងៃទី១២ ខែតុលា ឆ្នាំ២០២១ ជនសង្ស័យឈ្មោះ ZHANG HONG YOU បានបន្តសហការជាមួយកម្លាំងជំនាញដោយបាននាំទៅឆែកឆេរបន្ទប់ស្នាក់នៅមួយកន្លែងរបស់ជនសង្ស័យឈ្មោះ LU JIAN MIN ភេទប្រុស អាយុ៥១ឆ្នាំ ជនជាតិចិន មុខរបរមិនពិតប្រាកដ មានទីលំនៅបច្ចុប្បន្ន ក្រុម១១ ភូមិ០១ សង្កាត់០២ ក្រុងព្រះសីហនុ ខេត្តព្រះសីហនុ ។វត្ថុតាងដកហូតបានរួមមាន៖-ម្សៅក្រាមសង្ស័យជាសារធាតុញៀនចំនួន០៧កញ្ចប់-ទូរស័ព្ទចំនួន០២គ្រឿង ។ជនសង្ស័យទាំង៤នាក់ រួមទាំងវត្ថុតាងនេះ ត្រូវបាននគរបាលជំនាញកសាងសំណុំរឿងបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីចាត់ការតាមនីតិវិធីច្បាប់៕