លោក វ៉ា សាវឿន ចៅសង្កាត់ចោមចៅទី ៣ បានដឹកនាំក្រុមការងារ ចុះប្រមូលសំរាមនៅក្នុងប្រឡាយអមតាមបណ្ដោយផ្លូវលេខ៤ ក្នុងខណ្ឌពោធិ៍សែនជ័យ រាជធានីភ្នំពេញ
ភ្នំពេញ : នៅព្រឹកថ្ងៃទី៣០ ខែសីហា ឆ្នាំ២០២១ លោក វ៉ា សាវឿន ចៅសង្កាត់ចោមចៅទី៣ ចៅសង្កាត់រងទី១ និងទី២ រួមទាំងក្រុមប្រឹក្សា បានចុះប្រមូលសំរាមដែលនៅក្នុងប្រឡាយ អមតាមបណ្តោយផ្លូវជាតិលេខ៤ ភូមិព្រៃព្រីងខាងជើង១ និងបានសហការជាមួយសាលារាជធានីភ្នំពេញដោយស្ដារលូនិងប្រព័ន្ធប្រឡាយទឹកមេ សង្កាត់ចោមចៅទី៣ ខណ្ឌពោធិ៍សែនជ័យ រាជធានៅភ្នំពេញ។ដោយសារតែបន្ទាប់ពីមេឃធ្លាក់ភ្លៀងរួចមក ធ្វើឲ្យសំរាមហូរចូលទៅក្នុងប្រឡាយ ជាហេតុនាំឲ្យមានការកកស្ទះនៅចរន្តទឹកហូរ ជាបញ្ហានាំអោយស្ទះប្រព័ន្ធលូជាដើម។ក្នុងឱកាសនេះផងដែរអាជ្ញាធរសង្កាត់ចោមចៅទី៣ សូម ណូមពរដល់បងប្អូនប្រជាពលរដ្ឋដែលរស់នៅជុំវិញទីនោះ ឬបងប្អូនអ្នកធ្វើដំណើរឆ្លងកាត់សូមមេត្តា កុំបោះសម្រាមចូលក្នុងប្រឡាយ មេត្តាវិចខ្ចប់ឲ្យបានត្រឹមត្រូវ ដើម្បីងាយស្រួលក្នុងការប្រមូល និងបរិស្ថានស្អាត ទីក្រុងស្អាត សោភ័ណ្ឌភាពល្អប្រសេីរ ៕
