ឯ.ឧ​ ប៉ាន់ខែមប៊ុនថន​ អញ្ជេីញចុះដោះស្រាយដីទំនាស់នៅចំណុចបឹង៧៥ភូមិអូរអំពិលឃុំទួលពង្រ​ ស្រុកម៉ាឡ

ខេត្តបន្ទាយមានជ័យ​៖​ ព្រឹកថ្ងៃទី២០ខែតុលាឆ្នាំ២០២១នេះនៅសាលាឃុំទួលពង្រ​ ស្រុកម៉ាឡៃ​​ឯ.ឧប៉ាន់ខែមប៊ុនថន​ នាយរងខុទ្ទកាល័យសម្ដេចតេជោ​ ដែលអ្នកខេត្តបន្ទាយមានជ័យគ្រប់គ្នាទទួលស្គាល់ថាជាមន្ត្រីឆ្នេីមមាន​ជំនាញខាងដោះស្រាយវិវាទដីធ្លី​ បានអញ្ជេីញចូលរួមប្រជុំដោះស្រាយទំនាស់ដីមួយកន្លែងនៅចំណុចបឹង៧៥​ ក្នុងភូមិអូរអំពិល​ ឃុំទួលពង្រ​ ស្រុកម៉ាឡៃខេត្តបន្ទាយមានជ័យ​ ដែលមានការចូលរួមដោយលោកលីសារីអភិបាលរងខេត្ត​បន្ទាយមានជ័យ​ទទួលបន្ទុកដោះស្រាយទំនាស់ដីធ្លី​  លោកស្វាយជា​ អភិបាលនៃគណអភិបាលស្រុកម៉ាឡៃ​ លោកប្រធានមន្ទីរសុរិយោដីខេត្ត​ មន្ត្រីអន្តរវិស័យសាលាខេត្ត​ ប្រធានការិយាល័យសុរិយោដីស្រុកម៉ាឡៃមេឃុំទួលពង្រ​ មេភូមិអូរអំពិលនិងភាគីពាក់ព័ន្ធទាំងអស់។ 

គូទំនាស់រឿងវិវាទនេះមានលោកតាំងសុខឃី​ និងក្រុមហ៊ុនលីអ៊ុតនី។ បន្ទាប់ពីភាគីសង្ខាងបង្ហាញសំអាងរៀងខ្លួនរួចមកឯ.ឧប៉ាន់ខែមប៊ុនថនបានបញ្ជាឲ្យមន្ត្រីជំនាញចុះទៅវាស់ទីតាំងដីទំនាស់ដល់ទីកន្លែងដោយត្រូវដេីរលុយទឹកលុយភក់ប្រវែងជាង២០០០ម៉ែត្រទេីបដល់គោលដៅដែលត្រូវវាស់វែង។ ស្របពេលដែលជំនាញចុះវាស់ដីទំនាស់បឹង៧៥​ ឯ.ឧក៏ឈ្លៀតចុះទៅដោះស្រាយរឿងទំនាស់មួយកន្លែងទៀតនៅភូមិព្រៃព្រិចសង្កាត់ប៉ោយប៉ែត​ បញ្ជាក់ថាពេលវេលារបស់ឯ.ឧហាក់គ្មានពេលទំនេសោះឡេីយ។ 

ដោយឡែកគោលការណ៌ដោះស្រាយទំនាស់នៅបឹង៧៥​ ឯ.ឧប៉ាន់ខែមប៊ុនថនបានមានប្រសាសន៌ថា​នឹងគោរពតាមសេចក្ដីជូនដំណឹងលេខ១៥៥៣សជណចុះថ្ងៃទី២៤ខែធ្នូឆ្នាំ២០១២របស់ទីស្ដីការគណរដ្ឋមន្ត្រីដែលយោងតាមចំណារដ៏ខ្ពង់ខ្ពស់របស់សម្ដេចតេជោនាយករដ្ឋមន្ត្រី។ ក្នងខ្លឹមសារសជណ១៥៥៣​ ត្រង់ចំណុចទី៣ដែលទាក់ទងនឹងដីបឹង៧៥នេះបានសរសេរលំអិតថា​ ប្រគល់ដីទំហុំ២២៨​ហិតតាជូនលោកលីអ៊ុតនី​ ដែលបានទិញ​ និងកាន់​កាប់ជាក់ស្ដែងចា​ប់ពីឆ្នាំ១៩៩៨មកដេីម្បី​កាន់កាប់ជា​កម្មសិទ្ធស្របច្បាប់។   ប្រគល់ភា​រកិច្ចជូនអាជ្ញាធរខេត្ត​បន្ទាយមានជ័យ​ ធ្វេីការបែងចែកដីទំហុំ១០១ហិតតា៧៨អា៣៣សង្ទូីអា​ ជូនអតីតគ្រួសារយោធិនអង្គភាពវរសេនាតូច​៦៧២និង៦៧៣ពិតប្រាកដដេីម្បីកាន់កាប់ជាកម្មសិទ្ធស្របច្បាប់។ 

ដូច្នេះក្នុងខ្លឹមសារសជណ១៥៥៣របស់ទីស្ដីការគណរដ្ឋមន្ត្រីនេះ​ គេមិនឃេីញមានឈ្មោះ​ លោកតាំងសុខឃី​ ឬឈ្មោះគង់ជាឡេីយ​ តែនៅឆដេីមឆ្នាំ២០១៩​ស្រាប់តែលេចឈ្មោះគង់ជាមកអះអាងថាមានដីនៅចំណុចបឹង៧៥នេះហេីយក៏បានប្រកូកប្រកាសចែកដីអោយប្រជាពលរដ្ឋយ៉ាងអនាធិបតេយ្យបង្កេីតបានជាភូមិអបគមន៌នៅប៉ែកខាងលិចបឹង៧៥(យោងប្រសាសន៌លោកលីសារីពេលប្រជុំនៅសាលាខេត្ត)។ ឯលោកតាំងសុខឃី​ ក៏បានលេចមុខមកអះអាងថាមានដីចំនួន៣០ហិតតានៅចំណុចបឹង៧៥នេះដែរ​ ជាហេតុបង្ករឲ្យមានទំនាស់រាំរ៉ៃចាប់ពីខែមករាឆ្នាំ២០១៩មកម្លេះ។ 

ប្រជាពលរដ្ឋក៏ដូចភាគីទាំងអស់ដែលកំពុងអះអាងថាខ្លួនជាជនរងគ្រោះរៀងៗខ្លួនមានជំនឿនិងទំនុកចិត្តទាំងស្រុងលេីឯ.ឧនាយករងខុទ្ទកាល័យសម្ដេច​ ថានឹងផ្ដល់ភាពយុត្តិធម៌ត្រឹមត្រូវដល់ជនរងគ្រោះនាពេលឆាប់ៗនេះ។   អក្ខរា០២

By rmnasia

Leave a Reply

Your email address will not be published. Required fields are marked *

You missed

ឧត្តមសេនីយ៍ឯក រ័ត្ន ស្រ៊ាង ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែនឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ និងមន្ត្រីក្រោមឱវាទ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។យើងខ្ញុំសូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕