ក្តៅៗមានការ ផ្ទុះរឿងដែលមិនគួរឲ្យជឿថា មានការបង្ខំ និង បង្ឃាំង មនុស្សឲ្យធ្វើការ ក្នុងសម័យកូវីដ១៩ នៅក្នុងក្រុងប៉ោយប៉ែត ខេត្ត បន្ទាយមានជ័យ 

ថ្ងៃពុធ ១៣ កើត ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥

ត្រូវនឹងថ្ងៃទី១៧ ខែវិច្ឆិកា ឆ្នាំ២០២១ វិច្ឆិកា 17, 21

ខេត្តបន្ទាយមានជ័យ : រឿងល្បែងស៊ីសងគ្រប់ប្រភេទនៅក្នុងក្រុងប៉ោយប៉ែត ខាងសារព័ត៌មានRaksmey News /RMN យើងខ្ញុំបានផ្សាយ ជារឿយៗពាក់ព័ន្ធបទល្មើសល្បែងស៊ីសងនៅក្នុងក្រុងប៉ោយប៉ែតរីកដូចផ្សិតក្នុងសម័យ covid 19 ដេីម្បីជម្រាបជូន ក្រសួងមហាផ្ទៃ ដេីម្បីមានវិធានការទប់ស្កាត់ ខ្លាចរាលដាលជំងឺ និង បង្ការរឿងបទល្មើសផ្សេងៗ តែមន្រ្តីក្នុង មូលដ្ឋានបានធ្វើរបាយការណ៍កុហក ក្រសួងមហាផ្ទៃ ថា ពុំមានល្បែងស៊ីសងដូចការចុះផ្សាយរបស់សារព័ត៌មានឡើយ តាំងតែពីមានបំរាម របស់រាជរដ្ឋាភិបាល។

នៅពេលបែករឿងទេីបដឹងថា មានបទល្មើសពិតមែន ហេីយកុំធ្វើរបាយការណ៍ កុហកថ្នាក់ដឹកនាំ រួចចោទប្រកាន់ថា សាព័ត៌មានផ្សាយគ្មានការពិត សូមអោយមន្ត្រីក្នុងមូលដ្ឋាន ប្រកាន់ភ្ជាប់នូវ មុខងាររបស់ខ្លួន គោរពគោលការណ៍របស់ថ្នាក់ដឹកនាំ ដេីម្បីបំរើសេវាជូនប្រជាពលរដ្ឋខ្មែរ និង ប្រជាជននៃ ប្រទេសជិតខាង កុំឲ្យប្រទេសជិតខាងថា រឿងនៅក្នុងដែនសមត្ថកិច្ចរបស់ខ្លួនយូរហេីយ បែរជាមិនដឹង។

សូម ក្រសួងដែលពាក់ព័ន្ធជាពិសេស ក្រសួងមហាផ្ទៃ មេត្តាពិនិត្យឡើងវិញ នូវរាល់បញ្ហាទាំងអស់ដែលនៅក្នុងក្រុងប៉ោយប៉ែត ដោយដាក់មន្ត្រីមកស៊ើបជាសម្ងាត់ បេី មកសើបអង្កេតដោយបេីកជំហរនោះច្បាស់ជាមិនបានផលនោះទេ ដេីម្បីលុបបំបាត់ចោលនូវអំពើពុករលួយ និងការឃុបឃិតជាប្រព័ន្ធ របស់មន្ត្រីមួយចំនួន កុំឲ្យខូចឈ្មោះដល់ ស្ថាប័នក្រសួងដែលពាក់ព័ន្ធ និងមន្ត្រីល្អៗ ដែលលោកពុំបានដឹងរឿងអ្វីនោះ ។

សារព័ត៌មាន Raksmey News / RMN (  រិះគន់ក្នុងន័យស្ថាបនា )មិនមានចេតនាអ្វីឡើយ គួររំលឹកផងដែរថាកាលពីថ្ងៃទី១៥ ខែវិច្ឆិកា ឆ្នាំ២០២១ សមត្ថកិច្ចកម្ពុជាបានរំដោះជនជាតិថៃទាំងអស់៦៦នាក់មកពីថៅកែបើកអនឡាញជនជាតិចិនដោយខុសច្បាប់បានដោយសុវត្ថិភាព!

ខេត្តបន្ទាយមានជ័យក្រុងប៉ោយប៉ែត៖ជនជាតិថៃចំនួន៦៦នាក់ ដែលត្រូវថៅកែល្បែងតាមអនឡាញជនជាតិ ចិន បង្ឃាំងទុក ពេលនេះត្រូវបានកម្លាំងសមត្ថកិច្ចកម្ពុជាបានចូលរួមរំដោះបុគ្គលឹកជនជាតិថៃចំនួន៦៧នាក់បានហើយ បើតាមប្រភពដែលត្រូវថៅកែល្បែងអនឡាញជនជាតិចិនបើកដោយខុសច្បាប់នៅក្នុងក្រុងប៉ោយប៉ែត។ ដោយក្រុមជួញដូរមនុស្សបង្ខំឲ្យធ្វើការខុសច្បាប់ រួមទាំងធ្វើទុក្ខបុកម្នេញ និងលក់បន្តពីថៅកែមួយទៅឲ្យថៅកែអនឡាញជនជាតិចិន មួយទៀតបើមិនអាចធ្វើការបាន ហើយបើចង់ត្រឡប់ទៅប្រទេសថៃវិញគឺតម្រូវអោយលុយមកលោះខ្លួនក្នុងម្នាក់ចាប់ពី៣០,០០០-ទៅ៥០,០០០បាតទើបអោយត្រឡប់ទៅវិញ។

សូមជំរាបដែថា ក្រោយពីកម្លាំងសមត្ថកិច្ចកម្ពុជាជួយរំដោះជនជាតិថៃទាំង៦៦នាក់បានហើយ ក៏បានប្រគល់ជនជាតិថៃប្រុស-ស្រីខាងលើ ទៅឲ្យភាគីថៃវិញនៅចំនុចលើស្ពានមិត្តភាពកម្ពុជា-ថៃ កាលពីវេលាម៉ោង១០និង០០នាទីព្រឹក ត្រូវនឹងថ្ងៃទី១៦ វិច្ឆិកា២០២១នេះ៕N7