ការចុះឈ្មោះបោះឆ្នោតនៅសង្កាត់ប៉ោយប៉ែតនិងសង្កាត់អូរជ្រៅធ្វេីរួមគ្នាតែមួយកន្លែង
ក្រុងប៉ោយប៉ែត៖ ក្នុងឱកាសជួបផ្ដល់បទសម្ភាសជាមួយអ្នកកាសែតជាតិនៅរសៀលថ្ងៃទី២០ខែតុលានេះ លោកលឹមរី ប្រធានគណកម្មាការរៀបចំការបោះឆ្នោតសង្កាត់ប៉ោយប៉ែតនិង សង្កាត់ អូរជ្រៅបានឲ្យដឹងថា ការចុះឈ្មោះបោះឆ្នោតជ្រេីសរេីសក្រុមប្រឹក្សាឃុំ សង្កាត់នៅអាណត្តិថ្មីនេះ សង្កាត់ប៉ោយប៉ែតនិងសង្កាត់អូរជ្រៅដែលជាសង្កាត់ទេីបបង្កេីតថ្មីត្រូវធ្វេីរួមគ្នា ព្រោះថាសង្កាត់អូរជ្រៅដែលមិនទេីបបង្កេីតថ្មីនោះមិនទាន់មានស្នាក់ការសាលាសង្កាត់នៅឡេីយ ប៉ុន្តែការចុះឈ្មោះត្រូវបានចុះបញ្ជីរដោយឡែកពីគ្នារវាងសង្កាត់អូរជ្រៅនិងប៉ោយប៉ែត។
លោកលឹម រី បានរៀបរាប់ឲ្យអ្នកយកព័ត៌មានយេីងដឹងទៀតថា៖សង្កាត់ប៉ោយប៉ែតថ្មីក្រោយពីកាត់ជាពីរួចនៅសល់៦ភូមិ គឺភូមិបាលិលេយ្យ១,បាលិលេយ្យ២,ភូមិចាន់គីរី,ភូមិទំនប់កប្រាំ,ភូមិមិត្តភាព,ភូមិទួលប្រាសាទ ដែលមានការិយាល័យបោះឆ្នោតចំនួន២៩កន្លែង។ ចំណែកសង្កាត់អូរជ្រៅដែលទេីបបង្កេីតថ្មីមាន៧ភូមិ គឺ ភូមិក្បាលស្ពាន១,ក្បាលស្ពាន២,ប៉ោយប៉ែត,សាមគ្គីមានជ័យ,ក្បាលកោះ,ព្រៃព្រិច,អូរជ្រៅ ដែលមាការិយាល័យបោះឆ្នោតចំនួន៤៦កន្លែង។
លោកលឹមរីឲ្យដឹងទៀតថា រាល់ថ្ងៃនេះមានប្រជាពលរដ្ឋមកចុះឈ្មោះបោះឆ្នោតជាហូរហែរឥតអាក់ តែក្រុមការងារលោកមិនភ្លេចគោលការរក្សាគម្លាតនិងអនុវត្តតាម បីកុំបីការពារជានិច្ច។ lonnokserei
