ខេត្តកំពត ៖ ក្រោមការចង្អុលបង្ហាញផ្ទាល់ពីលោកឧត្តមសេនីយ៍ស្នងទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត កម្លាំងជំនាញនៃអធិការដ្ឋាននគរបាលស្រុកជុំគិរី ឃាត់ខ្លួនជនសង្ស័យ បានចំនួន០២នាក់ ពាក់ព័ន្ធបទករណីជួញដូរ និងប្រើប្រាស់គ្រឿងញៀន នៅវេលាម៉ោង១២និង៤០នាទី ថ្ងៃអង្គារ៍ ៣រោច ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៣ ខែកញ្ញា ឆ្នាំ២០២២ នៅចំណុចខ្ទមចាំចម្ការមួយកន្លែង ស្ថិតនៅភូមិពោធិ៍ ឃុំស្រែសំរោង ស្រុកជុំគិរី ខេត្តកំពត ។
ជនសង្ស័យមានឈ្មោះ ថន ម៉េត ភេទប្រុស អាយុ៣១ឆ្នាំ រស់នៅភូមិពោធិ៍ ឃុំស្រែសំរោង ស្រុកជុំគិរី ខេត្តកំពត និងឈ្មោះ ពៅ សុជាតិ ភេទប្រុស អាយុ៣១ឆ្នាំ ស្ថិតនៅភូមិត្រពាំងឈើទាល ឃុំច្រេស ស្រុកជុំគិរី ខេត្តកំពត ។
ដកហូតវត្ថុតាងរួមមាន ៖ -ម្សៅក្រាមពណ៌សថ្លាចំនួន០៥កញ្ចប់, -ទូរសព្ទចំនួន ០២គ្រឿង ,សម្ភារៈសម្រាប់ប្រើប្រាស់នូវសារៈធាតុញៀនមួយចំនួន៤, -កាំបិត០១ដើម, ពូថៅចំនួន០២ ដើម និងកាំភ្លើងកែច្នៃចំនួន០១ដើម (តដៃជាមួយសមត្ថកិច្ច) ។
បច្ចុប្បន្ន ជនសង្ស័យត្រូវបាននាំខ្លួននិងឃាត់ខ្លួនបណ្តោះអាសន្ន ដើម្បីកសាងសំណុំរឿងបញ្ជូនទៅតុលាការអនុវត្តតាមនីតិវិធី ៕
https://www.rmn.asia
