ភ្នំពេញ : ទីតាំងល្បែងហ្គេមបាញ់ត្រី និងបង្កប់ល្បែងផ្សេងៗទៀតនៅសង្ក្រាត់ផ្សារដេប៉ូទី៣ នៅលើផ្លូវលេខ ២២៥ ទល់មុខសណ្ឌាគារចុងសិញ ប្រជាពលរដ្ឋបានកត់សម្គាល់ថាល្បែងហ្គេមបាញ់ត្រីនិង ល្បែងសុីសង នៅក្នុងសង្កាត់ផ្សារដេប៉ូទី៣ បានស្ងប់ស្ងាត់ក្រោយពេលសមត្ថកិច្ចបង្ក្រាប ប៉ុន្តែល្បែងហ្គេមបាញ់ត្រី និងសុីសង កំពុងកើតឡើងយ៉ាងពេញបន្ទុក។
លោក សុខ ហេង អធិការនគរបាលខណ្ខទួលគោក និងលោក ជា ពិសី អភិបាលខណ្ខទួលគោក បានរក្សាភាពស្ងៀមស្ងាត់នៅពេលល្បែងហ្គេមបាញ់ត្រី កំពុងកើតឡើងស្ទើរគ្រប់ច្រកល្ហកក្នុងខណ្ខទួលគោករាជធានីភ្នំពេញ ធ្វើឲ្យប៉ះពាល់យ៉ាងខ្លាំងដល់សន្តិសុខសង្គម។
ប្រភពពីប្រជាពលរដ្ឋនៅសង្ក្រាត់ផ្សារដេប៉ូទី3 រាជធានីភ្នំពេញ បានឲ្យដឹងថាក្នុងមូលដ្ឋានពួកគាត់ល្បែងទូរហ្គេមបាញ់ត្រី និងល្បែងផ្សេងៗទៀតកាន់តែរាលដាល ហើយមន្រ្តីអាជ្ញាធរ និងសមត្ថកិច្ចមូលដ្ឋានមិនចាត់វិធានការទប់ស្កាត់នោះទេ។
ប្រជាពលរដ្ឋបាននិយាយបន្តទៀតថា÷ ប្រហែលគេបានសែនព្រានដល់សមត្ថកិច្ចក្នុងមូលដ្ឋានក៏ដូចជា លោក អធិការ ខណ្ឌទួលគោក អស់ហើយមើលទៅបានជាលោកមើលមិនឃើញធ្វើមិនឮ មិនអើពើបង្ក្រាបនិងទប់ស្កាត់ ពួកគាត់ក៏បានបន្តទៀតថា បើល្បែងពេញបន្ទុកដូច្នេះ តើឯណាទៅភូមិឃុំមានសុវត្ថិភាពទាំង៧ចំនុច ?
ប្រជាពលរដ្ឋក្នុងមូលដ្ឋានសង្ឃឹមថា អាជ្ញាធរពាក់ព័ន្ធ ក្នុងសង្កាត់ផ្សារដេប៉ូទី3 និងអាជ្ញាធរពាក់ព័ន្ធក្ក្នុងខណ្ឌទួលគោក និងភ្ញាក់ពីដំណេកលុបមុខ សិតសក់ ឆ្លុះកញ្ចក់ មើលខ្លួនឯងថា បច្ចុប្បន្នខ្លួនមានតួនាទីអ្វី ដើម្បីបម្រើផលប្រយោជន៍ប្រជាពលរដ្ឋនិងបម្រើផលប្រយោជន៍ជាតិទាំងមូលនិង បញ្ជាស់ អំពើចោរកម្ម អសកម្មភាព ដូចជា៖ចោរលួច-ឆក់-ប្លន់-គាស់ផ្ទះប្រជាពលរដ្ឋនិងអំពើហិង្សាក្នុងគ្រួសារផ្សេងៗជាដើម ព្រោះថា ល្បែងគឺជាដើមចមបង្កបង្កើតបទល្មើសក្នុងមូលដ្ឋាន។
ករណីខាងលើនេះប្រជាពលរដ្ឋបានគោរពស្នើសុំដល់ ឯកឧត្តម ឃួន ស្រេង អភិបាលរាជធានីភ្នំពេញ និងលោក ឧត្តមសេនីយ៍ឯក ស ថេត ស្នងការនគនគរបាលរាជធានីភ្នំពេញ យកចិត្តទុកដាក់ក្នុងការចាត់មន្ត្រីជំនាញនៃស្នងការដ្ឋានចុះស្រាវជ្រាវដើម្បីទប់ស្កាត់និងបង្ក្រាបរាល់បទល្មើសល្បែងស៊ីសងខាងលើនេះផង និងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ/សង្កាត់ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?
អង្គភាពអ្នកសារព័ត៌មានយើងខ្ញុំ ចុះផ្សាយខាងលើនេះគ្មានគោលបំណងធ្វើឱ្យប៉ះពាល់ដល់ស្ថាប័នពាក់ព័ន្ធណានោះទេ គ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាលក្នុងការអភិវឌ្ឍន៍សង្គមជាតិ អង្គភាពសារព័ត៌មានយើងរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មាន សូមអរគុណ៕
https://www.rmn.asia
