ខេត្តកណ្ដាល : ទីតាំងល្បែងជល់មាន់តាមប្រព័ន្ធអនឡាញដែលគេស្គាល់ថា នៅមិនឆ្ងាយពីប៉ុស្តិ៍នគរបាលឃុំទឹកវិលកំពុងតែបើកដំណើរការលេងយ៉ាងគគ្រឹកគគ្រេងនិងមិនមានការរំខានដល់អាជ្ញាធរមូលដ្ឋានឡើយ។ ប្រជាពលរដ្ឋដែលរស់នៅក្នុង ឃុំទឹកវិល ស្រុកស្អាង មានការព្រួយបារម្ភ យ៉ាងខ្លាំងចំពោះល្បែងភ្នាល់ដាក់លុយ ( មាន់ជល់តាមទូរទស្សន)នៅជិត ប៉ុស្តិ៍នគរបាល ឃុំទឹកវិលតែម្ដង អ្នកលេងតែងតែប្រមូលផ្ដុំមកជុំគ្នាលេង ស្រែកហូរកញ្ជ្រាវដោយមិនខ្លាចច្បាប់ទម្លាប់បន្តិចសោះ។
ប្រជាពលរដ្ឋបាននិយាយបន្តទៀតថា÷ ប្រហែលគេបានសែនព្រានដល់សមត្ថកិច្ចក្នុងមូលដ្ឋានក៏ដូចជា លោក រស់ ចន្ថា អធិការស្រុកស្អាង អស់ហើយមើលទៅបានជាលោកមើលមិនឃើញធ្វើមិនឮ មិនអើពើបង្ក្រាបនិងទប់ស្កាត់ ពួកគាត់ក៏បានបន្តទៀតថា បើល្បែងពេញឃុំដូច្នេះ តើឯណាទៅភូមិឃុំមានសុវត្ថិភាពទាំង៧ចំនុច ?
ប្រជាពលរដ្ឋក្នុងមូលដ្ឋានសង្ឃឹមថា អាជ្ញាធរពាក់ព័ន្ធក្ក្នុស្រុកស្អាង និងអាជ្ញាធរពាក់ព័ន្ធក្នុងខេត្តកណ្តាល និងភ្ញាក់ពីដំណេកលុបមុខ សិតសក់ ឆ្លុះកញ្ចក់ មើលខ្លួនឯងថា បច្ចុប្បន្នខ្លួនមានតួនាទីអ្វី ដើម្បីបម្រើផលប្រយោជន៍ប្រជាពលរដ្ឋនិងបម្រើផលប្រយោជន៍ជាតិទាំងមូលនិង បញ្ជាស់ អំពើចោរកម្ម អសកម្មភាព ដូចជា៖ចោរលួច-ឆក់-ប្លន់-គាស់ផ្ទះប្រជាពលរដ្ឋនិងអំពើហិង្សាក្នុងគ្រួសារផ្សេងៗជាដើម ព្រោះថា ល្បែងគឺជាដើមចមបង្កបង្កើតបទល្មើសក្នុងមូលដ្ឋាន។
ករណីខាងលើនេះប្រជាពលរដ្ឋបានគោរពស្នើសុំដល់លោក ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល និងយកចិត្តទុកដាក់ក្នុងការចាត់មន្ត្រីជំនាញនៃស្នងការដ្ឋានចុះស្រាវជ្រាវដើម្បីទប់ស្កាត់និងបង្ក្រាបរាល់បទល្មើសល្បែងស៊ីសងខាងលើនេះផង និងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ/សង្កាត់ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?
អង្គភាពអ្នកសារព័ត៌មានយើងខ្ញុំ ចុះផ្សាយខាងលើនេះគ្មានគោលបំណងធ្វើឱ្យប៉ះពាល់ដល់ស្ថាប័នពាក់ព័ន្ធណានោះទេ គ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាលក្នុងការអភិវឌ្ឍន៍សង្គមជាតិ អង្គភាពសារព័ត៌មានយើងរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មាន សូមអរគុណ៕
https://www.rmn.asia
