ភ្នំពេញ : ហេតុការណ៍នេះកើតឡើងកាលពី នៅយប់ថ្ងៃទី៦ ខែកញ្ញា ឆ្នាំ២០២២ ស្ថិតនៅចំណុចចំហៀងផ្សារលឹមឈៀងហាក់នៅក្នុងភូមិឬស្សីទី ១ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

ម្ចាស់រថយន្តឈ្មោះ ម៉ែន គឹមហេង អាយុ៥៨ឆ្នាំ ជនជាតិខ្មែរដែលមានទីលំនៅបច្ចុប្បន្នផ្ទះជួល ភូមិឬស្សីទី ១ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មុខរបរ រត់ឡាន ដែលមានលេខទូរសព្ទ០១២២៨៧៤៨៨ ។

បើតាមការបញ្ជាក់ពីម្ចាស់រថយន្តបានឲ្យដឹងថា : នៅវេលាម៉ោង ៩:០០ នាទីយប់ ត្រូវនឹងថ្ងៃទី៦ ខែកញ្ញា ឆ្នាំ២០២២ ខ្ញុំអង្គុយលេង។ជុំបងប្អូនលុះដល់ម៉ោង១:០០ នាទី ខ្ញុំក៏បានចូលដេកដោយទុកឡាននៅខាងមុខផ្ទះជួល ស្រាប់តែ ភ្លឺរ ឡើងមិនឃើញឡាន ឡានម៉ាក Hyundai Portor ហៅឡានកូរ៉េ ពណ៌ខៀវ ដែលមានផ្លាកលេខ ភ្នំពេញ 2AH-8530 ។

លោក ម៉ែន គឹមហេង ដែលជាម្ចាស់រថយន្តបានបញ្ជាក់បន្ថែមទៀតថា : ក្រោយពេលបាត់រថយន្ត លោកបានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលស្ទឹងមានជ័យទី៣ រួចរាល់អស់ហើយ។

លោក ម៉ែន គឹមហេង សំណូមពរដល់អាជ្ញាធរពាក់ព័ន្ធជួយស្វែងរករថយន្តរបស់លោកដែលបានបាត់នោះផង នឹងចាប់ជនល្មើសផ្ដន្ទាទោសទៅតាមផ្លូវច្បាប់។ ហើយលោកក៏សុំអំពាវនាវដល់បងប្អូនប្រជាពលរដ្ឋ បើបានប្រទះឃើញរថយន្តដែលមានភិនភាគនិងស្លាកលេខខាងលើ សូមទំនាក់ទំនងមកលេខទូរសព្ទ ០១២ ២៨៧ ៤៨៨ សូមអរគុណ! ៕
https://www.rmn.asia