ភ្នំពេញ ៖ ហេតុការណ៍បង្កឲ្យមានកាភ្ញាក់ផ្អើលនេះបានកើតឡើងនៅវេលាម៉ោង១០និង៤០យប់ថ្ងៃទី២៤ ខែកក្កដា ឆ្នាំ២០២២ នៅត្រង់ចំណុចដីវាលមួយកន្លែងខាងជើងវត្តជន្លង់ម្លូ ស្ថិតក្នុងភូមិកន្ទោកខាងត្បូង សង្កាត់កន្ទោក ខណ្ឌកំបូល រាជធានីភ្នំពេញ។

ជនសង្ស័យចំនួន៣នាក់ជិះម៉ូតូមួយគ្រឿងបានធ្វើសកម្មភាព ស្ទាក់ ពីមុខម៉ូតូមួយគ្រឿងជិះដោយនារីម្នាក់ ហើយគំរាមសម្លាប់រួចដឹកជនរងគ្រោះយកទៅប្លន់យកម៉ូតូមួយគ្រឿងនិងគ្រឿងអលង្ការមួយចំនួន បានសម្រេច រួចចាប់រំលោភតាមក្រោយ ម្តងម្នាក់ៗសម្រេច ហើយនាំគ្នាគេចខ្លួនបាត់ស្រមោល។

ជនរងគ្រោះ ភេទស្រី អាយុ៣០ឆ្នាំ មុខរបរធ្វើការរោងចក្រ ស្នាក់នៅខាងក្រោយសាលាខណ្ឌដង្កោ ខណ្ឌដង្កោ រាជធានីភ្នំពេញ។

បើតាមសំដីជនរងគ្រោះបានរៀបរាប់ប្រាប់ឲ្យដឹងថា មុនកើតហេតុ រូបគាត់ជិះម៉ូតូមួយគ្រឿងម៉ាកហុងដាប៊ីតក្រហម ភ្នំពេញ1IF-8117 ចេញពីកន្លែងស្នាក់នៅ គោលបំណងទៅញ៉ាំអីនៅម្ដុំទួលព្រង។

លុះមកដល់ជិះចំណុចផ្លូវ ៣០ម៉ែត្រចំណុចមុខវត្តធម្មត្រៃ ស្ថិតក្នុងសង្កាត់ព្រៃស ខណ្ឌដង្កោ ក៏ស្រាប់តែលេចមុខជនសង្ស័យចំនួន៣ នាក់ជិះម៉ូតូហុងដាស្កូបពី១គ្រឿងពណ៌ខ្មៅ មិនចាំស្លាកលេខ បានមកកាក់ពីមុខម៉ូតូរបស់គាត់ ហើយជនសង្ស័យក៏បានគំរាមមិនឲ្យស្រែក និងប្រើហិង្សាទៅលើរូបគាត់ ដោយបង្ខំឲ្យទៅតាមពួកគេ។

នារីរងគ្រោះបានបន្តទៀតថា បន្ទាប់មកជនសង្ស័យម្នាក់បានឡើងជិះម៉ូតូរបស់គាត់ រួចឌុបរូបគាត់រហូតមកដល់ចំណុចកើតហេតុខាងលើ ហើយបានធ្វើសកម្មភាព ដោះយកខ្សែក កងដៃ ចិញ្ចៀន នឹងទូរស័ព្ទដៃមួយគ្រឿង រួមនិងម៉ូតូមួយគ្រឿងទៀត។

បន្ទាប់ពីជនសង្ស័យប្លន់អស់ចិត្តនាំគ្នាចាប់រំលោភលើរូបគាត់ម្ដងម្នាក់ៗបាន សម្រេច ហើយបានថតវីដេអូទុក និងគំរាមលើរូបគាត់បើហ៊ានប្រាប់ដល់សមត្ថកិច្ចគេ ពួកវានឹងតាមសំលាប់រូបគាត់។ ក្រោយពីជនសង្ស័យប្លន់និងរំលោភបានសម្រេចលើរូបគាត់រួមមក ជនសង្ស័យទាំងនោះនាំគ្នាជិះម៉ូតូគេចខ្លួនបាត់ស្រមោល។

ជនរងគ្រោះបានបន្តទៀតថាក្រោយរូបគាត់បានរត់ស្រែកឲ្យគេជួយ បន្ទាប់មកក៏ភ្ញាក់ផ្អើលឮដល់សន្តិសុខដែលយាមនៅរោងចក្រមួយកន្លែង ក៏ឃើញរូបគាត់រួចក៏បានសួរនាំ ហើយក៏បានជូនទៅផ្ទះប្រជាពលរដ្ឋមួយកន្លែងដើម្បីឲ្យគេជួយ។

ជនរងគ្រោះហើយប្រាប់ទៀតថា ជនសង្ស័យបានស្គាល់ហ្វេសប៊ុករបស់គាត់ហើយក៏បានឆាតមកគាត់ជាច្រើនលើក ច្រើនសាតែនាងមិនឆ្លើយ តប ហើយជនសង្ស័យទាំងនោះបានប្រាប់រូបគាត់ថាពួកគេតាមដាន រួបគាត់ពីរបីថ្ងៃហើយ។

សូមបញ្ជាក់ផងដែរករណីខាងលើនេះ ជនសង្ស័យនិងជនរងគ្រោះ សង្ស័យធ្លាប់ស្គាល់គ្នា។

ក្រោយមកក៏បង្កឲ្យមានការភ្ញាក់ផ្អើលដល់កម្លាំងសមត្ថកិច្ចមូលដ្ឋានបានចុះមកដល់រួចសួរនាំទៅលើជនរងគ្រោះហើយក៍បាននាំជនរងគ្រោះមកបង្ហាញទីតាំងកន្លែងកើតហេតុ រួចក៏នាំជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកន្ទោក ដើម្បីសមត្ថកិច្ចងាយស្រួលស្វែងរកចាប់ជនសង្ស័យយកមកផ្តន្ទាទោសតាមផ្លូវច្បាប់៕
https://www.rmn.asia