ខេត្តពោធិ៍សាត់ : កាន់តែពិសេសនៅរសៀលថ្ងៃសៅរ៍ ទី២៣ ខែកក្កដា ឆ្នាំ២០២២ គម្រោងអភិវឌ្ឍ សួន ចំការបុរីទេសចរណ៍ បានបេីកសិក្ខាសាលាលេីទី២ ស្ដីពីៈ ផ្នត់គំនិតលក់កម្រិតខ្ពស់ ជូនអ្នកមានបំណងលក់អចលនទ្រព្យ និងគម្រោងអភិវឌ្ឍដីឡូត៍លំហែ “សួនចំការបុរីទេសចរណ៍” ប្រមាណជាង ១២០នាក់ នៅសណ្ឋាគារ ច័ន្ទមណ្ណីមណ្ណីច័ន្ទ ក្រុងពោធិ៍សាត់ ខេត្តពោធិ៍សាត់។
លោក ហោ គន្ធា ប្រធានក្រុមប្រឹក្សាភិបាល នៃក្រុមហ៊ុន ស្វាសធីកា អុិនវេសម៉ិន និងជាប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា អញ្ជើញជាគ្រូឧទ្ទេសនាម បានលេីកឡេីងថា ជំនាញលក់ជារឿងសំខាន់ណាស់ ក្នុងការបង្កើតប្រាក់ចំណូលខ្ពស់ ទោះបីជាលក់អ្វីក៏ដោយ ពោលដូចជា លក់ ទំនិញ ឬ សេវាកម្ម។ លោកបានបន្ដទៀតថា ការលក់អចលនទ្រព្យ ជាអទិភាពភាពជាងគេសម្រាប់ការបង្កេីតប្រាក់ចំណូលនាពេលបច្ចុប្បន្ននេះ។
ស្ថិតក្នុងវគ្គសិក្ខាសាលា សិក្ខាកាមជាង១២០នាក់ មានសេចក្តីរីករាយ ដោយទទួលបានចំណេះដឹង និងបទពិសោធន៍ថ្មីៗ ព្រមទាំងជំនាញលក់អចលនទ្រព្យកម្រិតខ្ពស់ ពីគ្រូឧទ្ទេសនាម និងទទួលបានវិញ្ញាបនបត្របញ្ជាក់ការសិក្សាផង។
ជាចុងបញ្ចប់នៃអង្គសិក្ខាសាលា លោក ហោ គន្ធា ប្រធានក្រុមប្រឹក្សាភិបាល នៃក្រុមហ៊ុន ស្វាសធីកា អុិនវេសម៉ិន និងជាប្រធានសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា ប្រកាសទទួលស្គាល់សមាភាពក្រុមការងារ ឧត្តមក្រុមប្រឹក្សាទីផ្សារ គម្រោងអភិវឌ្ឍ សួនចំការបុរីទេសចរណ៍ ចំនួន ១៦ រូប ៕
https://www.rmn.asia
