ភ្នំពេញ ៖ នៅ ថ្ងៃសុក្រ ទី១៨ខែមីនា ឆ្នាំ ២០២២នេះ នៅតាមផ្លូវ៣៧១ នៅចំណុចខាងលិចស្ថានីយ៍បូមទឹក ទី២ក្នុងសង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ។

នគរបាលពាក់ស័ក្តិ៥ម្នាក់បានស្លាប់ មានឈ្មោះ អ៊ុក ហឿន ម៉ាណា ភេទប្រុស អាយុ៣៣ឆ្នាំ មុខរបរនគរបាល នៅអង្គភាពគណៈកម្មការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) មានស្រុកកំណើតនៅឃុំ សុពរ័ពេទ្យ ស្រុកច្បារមន ខេត្តកំពង់ស្ពឺ ហើយមានទីលំនៅបច្ចុប្បន្នផ្ទះលេខ១៦ ផ្លូវលេខ៣៣៦ ភូមិ៥ សង្កាត់បឹងកក់១ ខណ្ឌទួលគោក រាជធានីភ្នំពេញ។

បន្ទាប់ពីជិះម៉ូតូធំប្រភេទម៉ូតូកាហ្វេ ទៅបុកជាមួយម៉ូតូឌ្រីមសង់ បណ្ដាលឲ្យដួលបោកនឹងថ្នល់ ធ្ងន់ធ្ងរ ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ដោយស្ថានភាពរបួសធ្ងន់ ជនរងគ្រោះបានដាច់ខ្យល់ស្លាប់នៅមន្ទីរពេទ្យ រីឯភាគីខាងម៉ូតូឌ្រីមសង់រងរបួសមធ្យម ។

ករណីនេះ សមត្ថកិច្ចមូលដ្ឋានបានចុះទៅដល់ បាញ់គំនូសយកមធ្យោបាយទាំងពីរឡើងចិញ្ចើមផ្លូវ រងចាំខាងសមត្ថកិច្ចជំនាញ ចុះវាស់វែង យកទៅរក្សាទុកបណ្ដោះអាសន្ន នៅអធិការដ្ឋាននគរបាលខណ្ឌមានជ័យ ៕
https://www.rmn.asia