វគ្គបណ្ដុះបណ្ដាលស្តីពីបច្ចេកទេសចិញ្ចឹមសត្វ និងធ្វើបង្ហាញ ជូនបងប្អូនប្រជាពលរដ្ឋ ​នៅស្រុកម៉ាឡៃ Noun Vanny បន្ទាយមានជ័យ

វគ្គបណ្ដុះបណ្ដាលស្តីពីបច្ចេកទេសចិញ្ចឹមសត្វ និងធ្វើបង្ហាញ ជូនបងប្អូនប្រជាពលរដ្ឋ ​នៅស្រុកម៉ាឡៃ Noun Vanny បន្ទាយមានជ័យ ​​​ បន្ទាយមានជ័យ៖ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ប្រើប្រាស់ថវិកាបដិភាគរបស់រាជរដ្ឋាភិបាលកម្ពុជា ក្នុងកម្មវិធីអភិវឌ្ឍន៍សេដ្ឋកិច្ចមូលដ្ឋានដំណាក់កាលទី៤ (RET-IV) ។នៅថ្ងៃទី២៧ ខែឧសភា ឆ្នាំ២០២១ បានរៀបចំបើកវគ្គបណ្ដុះបណ្ដាលស្តីពីបច្ចេកទេសចិញ្ចឹមសត្វ និងធ្វើបង្ហាញ ជូនបងប្អូនប្រជាពលរដ្ឋនៅភូមិសង្កែ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ពិធីនេះប្រព្រឹត្តទៅក្រោមអធិបតីភាពលោក លី សារី អភិបាលរងខេត្ត បន្ទាយមានជ័យ និងលោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់និងនេសាទខេត្ត លោក តោ មេសា អនុប្រធានការិយាល័យបសុពេទ្យ ។ លោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់និងនេសាទខេត្តបានលើកឡើងថា៖ នៅក្នុងបរិបទការឆ្លងរាលដាលនិងការទប់ស្កាត់នូវជម្ងឺកូវីដ១៩នេះ គឺបានបើកវគ្គបណ្តុះបណ្តាលបន្ថែមលើការចេះថែរក្សាសត្វរបស់គាត់បានចិញ្ចឹមពិសេសលើសត្វគោរបស់គាត់នេះ​ គឺចិញ្ចឹមនៅនិងក្រោល និង​កន្លែង ហើយយើងមានស្មៅសម្រាប់ផ្គត់ផ្គង់ដល់សត្វគោឲ្យធំធាត់បានលឿន ។​ ការបើកវគ្គបណ្ដុះបណ្ដាលស្តីពីបច្ចេកទេសចិញ្ចឹមសត្វ និងធ្វើបង្ហាញនេះដែរ លោក លី សារី អភិបាលរងខេត្ត បានមានប្រសាសន៍ ការណែនាំអំពីបច្ចេកទេសពីការចិញ្ជឹមសត្វ ជាលក្ខណៈគ្រួសារ និងជាលក្ខណៈទ្រង់ទ្រាយធំ ដោយបង្វែរពីការចិញ្ចឹមទៅតាមវាល មកនៅតាមផ្ទះ ដោយបច្ចុប្បន្នប្រឈមទៅបញ្ហាផលដំណាំរបស់ប្រជាកសិករ។ ម្យ៉ាងវិញទៀតស្ថិតក្នុងសភាពការណ៍ដែលយើងទាំងអស់គ្នាបាន និងកំពុងបន្តរួមគ្នាប្រយុទ្ធ ប្រឆាំងការឆ្លងរីករាលដាលនៃជំងឺកូវីដ-១៩នាពេលនេះ។ លោក លី សារី បានបញ្ជាក់ថា៖ ការចិញ្ចឹមសត្វ អាចជាមុខរបរមួយនៅពេលទំនេរពីការងារបង្កបង្កើនផលស្រូវ ដើម្បីបង្កើនចំណូលក្នុងជីវភាពគ្រួសារ ហើយក្រៅពីការផ្គត់ផ្គង់ក្នុងគ្រួសារ និងអាចនាំយកទៅលក់នៅលើទីផ្សារបានថែមទៀតផង ។ ជាមួយគ្នានោះ លោក លី សារី បានសង្ឃឹមយ៉ាងមុតមាំថា៖ក្នុងវគ្គបណ្ដុះបណ្ដាលស្តីពីបច្ចេកទេសចិញ្ចឹមសត្វនេះបងប្អូនប្រជាពលរដ្ឋយើង នឹងយកចិត្តទុក្ខដាក់ស្តាប់បទឧទ្ទេសនាមគ្រូបង្គោលដើម្បីស្រូបយកចំណេះដឹងទាំងនោះទៅអនុវត្តផ្ទាល់ ដូចជាការជ្រើសរើសពូជសត្វចិញ្ចឹម ចំណី ជាដើម ដើម្បីឲ្យត្រូវទៅតាមបច្ចេកទេសនៃការចិញ្ចឹមនឹងទទួលបានលទ្ធផលខ្ពស់ ៕

By rmnasia

Leave a Reply

Your email address will not be published. Required fields are marked *

You missed

ឧត្តមសេនីយ៍ឯក រ័ត្ន ស្រ៊ាង ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែនឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ និងមន្ត្រីក្រោមឱវាទ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។យើងខ្ញុំសូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕