(ភ្នំពេញ)៖ លោកឧត្តមសេនីយ៍ទោ សែម គុន្ធា ប្រធាននាយកដ្ឋានគ្រប់គ្រងអាវុធជាតិផ្ទុះ នៃអគ្គស្នងការដ្ឋាននគរបាលជាតិ អមដំណើរដោយលោកអនុប្រធាននាយកដ្ឋានទទួលបន្ទុក លោកនាយ-នាយរងការិយាល័យ នាយ-នាយរងផ្នែក នារសៀលថ្ងៃទី២៦ ខែមិថុនា ឆ្នាំ២០២៤នេះ បាននាំយកថវិកា និងផ្លែឈើ ចុះសួរសុខទុក្ខលោកស្រីអនុសេនីយ៍ទោ ដួង ប៊ុន នាយរងផ្នែក ដែលកំពុងសម្រាកព្យាបាលជំងឺ នៅគេហដ្ឋានស្ថិតក្នុងភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។
ក្នុងឱកាសនោះ លោកឧត្តមសេនីយ៍ទោ សែម គុន្ធា បាននាំនូវប្រសាសន៍ផ្តាំផ្ញើសួរសុខទុក្ខ និងជូនពរពីសំណាក់ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោក នាយឧត្តមសេនីយ៍ ស ថេត អគ្គស្នងការនគរបាលជាតិ ជូនលោកស្រីអនុសេនីយ៍ទោ ដួង ប៊ុន ឆាប់បានជាសះស្បើយពីជំងឺ។
![](http://rmn.asia/wp-content/uploads/2024/06/9CC8FB4C-C99F-4BB1-A74E-DDF4977E60AF.jpeg)
លោកឧត្តមសេនីយ៍ទោ ប្រធាននាយកដ្ឋាន ក៏បានផ្តាំផ្ញើឲ្យ លោកស្រីអនុសេនីយ៍ទោ ដួង ប៊ុន ខិតខំថែទាំសុខភាព និងសម្រាកឲ្យបានគ្រប់គ្រាន់ ពិសេសពិសាថ្នាំឲ្យបានទៀងទាត់ តាមវេជ្ជបញ្ជា និងសូមជូនពរឲ្យឆាប់បានជាសះស្បើយ។
សូមជម្រាបថា បច្ចុប្បន្នលោកស្រីអនុសេនីយ៍ទោ ដួង ប៊ុន មានជីវភាពខ្វះខាតដោយស្វាមីជាជនពិកា និងមានកូនក្នុងបន្ទុកចំនួន ៤នាក់ (ស្រី១នាក់) មានជំងឺទៀតផង។
![](http://rmn.asia/wp-content/uploads/2024/06/EF0CCE26-4377-483E-9DEB-1508B099A6C5.jpeg)
ចំណែកក្រុមគ្រួសារលោកស្រីអនុសេនីយ៍ទោ ដួង ប៊ុន បានថ្លែងអំណរគុណថា សូមគោរពថ្លែងអំណរគុណយ៉ាងជ្រាលជ្រៅបំផុតដល់ថ្នាក់ដឹកនាំរបស់នាយកដ្ឋានគ្រប់គ្រងអាវុធជាតិផ្ទុះ នៃអគ្គស្នងការនគរបាលជាតិ នៅរសៀលថ្ងៃទី២៦ ខែមិថុនា ឆ្នាំ២០២៤នេះ លោកប្រធាននាយដ្ឋាន បានអញ្ជើញមកសួរសុខទុក្ខភរិយាខ្ញុំបាទ ដែលមានបញ្ហាសុខភាព។
ពិធីចុះសួរសុខទុក្ខ និងនាំយកថវិកាមកជួយឧបត្ថម្ភដល់លំនៅឋាននេះ ដឹកនាំដោយឯកឧត្តម ឧត្តមសេនីយ៍ទោ សែម គន្ធា ប្រធាននាយកដ្ឋានគ្រប់អាវុធ ជាតិផ្ទុះ។
![](http://rmn.asia/wp-content/uploads/2024/06/A52E473B-D0F5-4AD7-82A9-6B22C85E76D5.jpeg)
អមដំណើរឯកឧត្តមប្រធានរួមមាន៖
១- លោកឧត្តមសេនីយ៍ត្រី អ៊ុយ ហុន អនុប្រធាននាយកដ្ឋានទទួលបន្ទុក
២- លោកវរសេនីយ៍ទោ ហេង ឆេងគីម អនុប្រធាននាយកដ្ឋាន
៣- លោកវរសេនីយ៍ឯក អ៊ុង ឈឺន នាយការិយាល័យ
៤- លោកវរសេនីយ៍ទោ ជាង វិសិដ្ឋ នាយរងការិយាល័យ
៥- លោកអនុសេនីយ៍ឯក សន ពិសិដ្ឋ នាយរងការិយាល័យ
៦- លោកអនុសេនីយ៍ឯក ស៊ុន សំអាត នាយរងផ្នែក
សូមគោរពជូនពរដល់ថ្នាក់ដឹក និងមន្ត្រីនៃនាយកដ្ឋានគ្រប់គ្រងអាវុធ ជាតិផ្ទុះទាំងអស់ ប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
![](http://rmn.asia/wp-content/uploads/2024/06/FF25428A-0F2D-458D-81E3-48A69F069249.jpeg)
https://www.facebook.com/FastNewRaksmey?mibextid=ZbWKwL
https://www.rmn.asia
https://t.me/+cYqQWKH24_I5ZjE1
RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 086976222។
📍ការិយាល័យកណ្ដាល គេហទំព័រ រស្មី ញ៉ូស៍ (បុគ្គលិកប្រចាំការ) ☎️012 278 222 អង្គភាពយើងខ្ញុំមានមេធាវី 03 រូប សម្រាប់ការពារក្ដី បើលោកអ្នកជួបរឿងអយុត្តិធម៏យើងខ្ញុំជួយណែនាំជូន។
សូមអរគុណ
![](http://rmn.asia/wp-content/uploads/2024/06/A1CA5C6F-B702-4930-B161-F946A80A6673.jpeg)
![](http://rmn.asia/wp-content/uploads/2024/06/A315D48E-AFB1-4664-B739-62E968D5E87E.jpeg)
![](http://rmn.asia/wp-content/uploads/2024/06/BF1A9CD1-7D60-4C73-A3BB-C1731AD74A42.jpeg)
![](http://rmn.asia/wp-content/uploads/2024/06/A2C23211-28A1-454B-B7F2-EF2AD5ADC4E7.jpeg)
![](http://rmn.asia/wp-content/uploads/2024/06/B0D697CD-1ED2-4310-AADF-475C28949ADC-1024x697.jpeg)
![](http://rmn.asia/wp-content/uploads/2024/06/6B2DEF47-4B96-4885-AB9A-D60AE252E0A3.jpeg)