អ៊ីស្តង់ប៊ុល ៖ ក្រសួងការពារជាតិទួរគី បានប្រកាសថា អគ្គិភ័យដ៏ធំមួយនៅកំពង់ផែ របស់ប្រទេសទួរគីស្ថិតនៅឆ្នេរសមុទ្រមេឌីទែរ៉ាណេ ដែលបណ្តាលមកពីការរញ្ជួយដី កាលពីថ្ងៃច័ន្ទ បានរលត់ហើយ នៅព្រឹកនេះ។
កុងតឺន័រដឹករាប់រយត្រូវឆេះ ហើយបញ្ចេញផ្សែងខ្មៅយ៉ាងសន្ធោសន្ធៅទៅលើមេឃ។
ក្រុមសេវាសង្គ្រោះបន្ទាន់ មានការលំបាកក្នុងការពន្លត់អគ្គិភ័យ ដោយសារតែការខូចខាតពីការរញ្ជួយដី។
ក្រសួងការពារជាតិ ទួរគី ក៏បាននិយាយកាលពីថ្ងៃពុធថា កប៉ាល់ទួរគីបានបញ្ជូនសម្ភារៈជំនួយទៅកាន់កំពង់ផែ។
គេមិនទាន់ដឹងថា តើនៅពេលណាទើបកំពង់ផែអសចបើកឡើងវិញ សម្រាប់កប៉ាល់អន្តរជាតិចូលចត ព្រោះត្រូវឆ្លងកាត់ការត្រួតពិនិត្យឡើងវិញ។
នៅក្នុងគ្រោះមហន្តរាយនេះដែរ ក្តីសង្ឃឹមនៃការស្វែងរកអ្នកនៅរស់រានមានជីវិត បានរសាត់បាត់អស់រលីង ខណៈដែលក្រុមជួយសង្គ្រោះដែលលាតសន្ធឹងនៅក្នុងប្រទេសទួរគី និងស៊ីរីស្វែងរកសញ្ញានៃជីវិតនៅក្នុងកម្ទេចកម្ទីអគាររាប់ពាន់ដែលត្រូវបានដួលរលំដោយការរញ្ជួយដីដ៏សាហាវបំផុតរបស់ពិភពលោកក្នុងរយៈពេលជាងមួយទសវត្សរ៍។
នៅព្រឹកថ្ងៃព្រហស្បតិ៍ ទី៩ ខែកុម្ភៈ ឆ្នាំ២០២៣នេះ ចំនួនអ្នកស្លាប់នៅក្នុងប្រទេសទួរគី និងនៅក្នុងប្រទេសស៊ីរី បានកើនឡើងដល់១២ ០០០នាក់។
ប្រធានាធិបតីទួរគីលោក បានទៅពិនិត្យលើខេត្តមួយ ដែលមានជនរងគ្រោះច្រើនជាងគេ និងជាកន្លែងមានមនុស្សស្លាប់៣ ៣០០នាក់។ ចំណែកអ្នកស្រុកនៅក្នុងតំបន់ទីនោះ បានរិះគន់ការឆ្លើយតបរបស់រដ្ឋាភិបាល និងត្អូញត្អែរពីកង្វះខាតឧបករណ៍ ជំនាញ និងជំនួយកសង្គ្រោះ ដល់អ្នកជាប់គាំង ដែលពេលខ្លះគេអាចឮសំឡេងស្រែកហៅឲ្យជួយក៏ដោយ។
ទិដ្ឋភាពពិបាក និងការត្អូញត្អែរស្រដៀងគ្នានេះ ក៏កើតមាននៅភាគខាងជើង ប្រទេសស៊ីរីដែរ ។
ឯកអគ្គរដ្ឋទូតស៊ីរីប្រចាំអង្គការសហប្រជាជាតិបានសារភាពថា រដ្ឋាភិបាលខ្វះសមត្ថភាព និងខ្វះសម្ភារៈ ដោយសារសង្គ្រាមស៊ីវិល ជាង១០ឆ្នាំនៅក្នុងប្រទេសស៊ីរី ក៏ដូចជាការដាក់ទណ្ឌកម្មរបស់លោកខាងលិច។
លោកប្រធានាធិបតី ទួរគី បានទទួលស្គាល់ការខ្វះខាតក្នុងការឆ្លើយតបទៅនឹងការរញ្ជួយដីកម្រិត៧,៨រ៉ិចទ័រ ដែលបានកើតឡើងកាលពីថ្ងៃចន្ទ ហើយលោកនិយាយទៀតថា ភាពធ្ងន់ធ្ងរនៃគ្រោះមហន្តរាយ និងអាកាសធាតុរដូវរងា ក៏ជាកត្តាបង្កការលំបាកផងដែរ៕
https://t.me/+cYqQWKH24_I5ZjE1
https://www.rmn.asia
RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 012 278 222
![](http://rmn.asia/wp-content/uploads/2023/02/A8B9E425-8B48-44A2-A722-CB9F95A1EDD1.jpeg)
![](http://rmn.asia/wp-content/uploads/2023/02/840549BF-0F90-4E8F-BBE4-B0B1CE223DEA-1024x682.jpeg)
![](http://rmn.asia/wp-content/uploads/2023/02/60B0ECFB-7452-4106-B317-408867DD515B-1024x683.jpeg)
![](http://rmn.asia/wp-content/uploads/2023/02/E628D788-6619-4AA4-B193-52F553BEB2B1.jpeg)
![](http://rmn.asia/wp-content/uploads/2023/02/2A52B740-3F8A-435B-B100-DAC69EDC9B6E-1024x576.jpeg)
![](http://rmn.asia/wp-content/uploads/2023/02/1D13D7C1-555C-4829-BBFB-7E7472B88495.jpeg)
![](http://rmn.asia/wp-content/uploads/2023/02/4FB404C7-C069-4C91-9B49-E51E44B09AD7-1024x682.jpeg)
![](http://rmn.asia/wp-content/uploads/2023/02/42E76C53-FFCC-4865-86E8-6E61C73179C3-1024x390.jpeg)
![](http://rmn.asia/wp-content/uploads/2023/02/BCC412A5-E91F-4C10-A205-3D4811A1DB66.jpeg)