មណ្ឌលគិរី៖ ពិតសត្វថ្លែនសាហាវណាស់បន្ទាប់ខាំបុរសម្នាក់ មិនបានប៉ុន្មាននាទីផង បណ្តាលឱ្យស្លាប់ភ្លាមៗ មិនអាចជួយសង្គ្រោះបានឡើយ ដូច្នេះសូមបងប្អូនប្រជាពលរដ្ឋបង្កើនការប្រុងប្រយ័ត្ន កុំសត្វថ្លែនខាំឱ្យសោះ ព្រោះបង្កគ្រោះថ្នាក់ដល់អាយុជីវិត។

នេះករណីទី២ សត្វថ្លែនបានខាំបុរសកសិករម្នាក់ បណ្តាលឱ្យស្លាប់ក្នុងឆ្នាំ២០២៤ ដែលបានកើតឡើងក្នុងភូមិពូគង់ ឃុំស្រែព្រះ ស្រុកកែវសីមា ខេត្តមណ្ឌលគិរី បន្ទាប់ករណីកុមារម្នាក់ បានបាត់បង់ជីវិតដោយសារសត្វថ្លែនរត់ចូលមុងខាំស្លាប់កាលពេលកន្លងទៅថ្មីៗនេះ។

សមត្ថកិច្ចបានប្រាប់ថា ជនរងគ្រោះដែលត្រូវសត្វថ្លែនខាំស្លាប់ មានឈ្មោះ កង អ៊ីន អាយុ ៥០ឆ្នាំ ជនជាតិខ្មែរ រស់នៅភូមិ ឃុំខាងលើ។

ស្ត្រីប្រពន្ធរបស់ជនរងគ្រោះបាននិយាយថា៖ នៅវេលាម៉ោងប្រមាណ ៧យប់ ថ្ងៃទី២០ ខែមិថុនា ឆ្នាំ២០២៤ ប្ដីបានប្រាប់គាត់ និងកូនឆាប់ចេញពីមុង ព្រោះមានថ្លែនខាំគាត់ហើយពេលរកវាយសត្វថែ្លននោះ វាក៏លោតចុះទៅដីបាត់ទៅ។ លុះក្រោយមកប្ដីរបស់គាត់ក៏មានអាការៈចុកទ្រូង រឹងថ្គាម និងឈឺចាប់ខ្លាំង បានពឹងឱ្យអ្នកជិតខាងជូនទៅកាន់មន្ទីរពេទ្យ ប៉ុន្តែទៅដល់មន្ទីរពេទ្យប្ដីរបស់គាត់ស្លាប់ទៅហើយ។

ក្រោយការធ្វើកោសល្យវិច្ច័យសមត្ថកិច្ចបានសន្និដ្ឋានថា បុរសជាកសិករពិតជាស្លាប់ដោយសារសត្វថ្លែនខាំពិតប្រាកដមែន។ ក្រោយការពិនិត្យសពបានប្រគល់ឱ្យក្រុមគ្រួសារធ្វើបុណ្យតាមប្រពៃណី។

សូមជម្រាបថា ជាទូទៅសត្វថ្លែនមើលទៅមិនមានអ្វីដែលគួឱ្យក្លាចនោះទេ ពីព្រោះវាមិនសូវកាចសាហាវដូចសត្វអសិរពិស ឬពស់មានពិសដទៃទេ ហើយមិនសូវដែលដេញខាំមនុស្សផ្តេសផ្តាស់នោះដែរ។ ដោយសារភាពស្លូតរបស់វាបែបនេះហើយ ដែលធ្វើឱ្យមនុស្សភាពច្រើនមិនសូវក្លាចវាប៉ុន្មានទេ តែជាការពិតសូមជម្រាបថា ថ្លែនគឺជាសត្ថអសិរពិសដ៏សហាវបំផុត ដែលសារជាតិពឹសរបស់វាដែលបានខាំចូលខ្លួនមនុស្សហើយ មិនងាយនឹងមានថ្នាំព្យាបាលទេ មានមនុស្សស្ទើរតែ ១០០% ដែលត្រូវបានវាខាំហើយស្លាបក្នុងរយៈពេលត្រឹមតែ ១ម៉ោង៣០នាទី ក្រោយប៉ុណ្ណោះ ព្រោះតែជាតិពិសរបស់វាបានចូលដល់បេះដូងយ៉ាងឆាប់រហ័ស នឹងបង្កឱ្យគាំងបេះដូងស្លាប់តែម្តង៕

https://www.facebook.com/FastNewRaksmey?mibextid=ZbWKwL
https://www.rmn.asia
https://t.me/+cYqQWKH24_I5ZjE1

RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 086976222។

📍ការិយាល័យកណ្ដាល គេហទំព័រ រស្មី ញ៉ូស៍ (បុគ្គលិកប្រចាំការ) ☎️012 278 222 អង្គភាពយើងខ្ញុំមានមេធាវី 03 រូប សម្រាប់ការពារក្ដី បើលោកអ្នកជួបរឿងអយុត្តិធម៏យើងខ្ញុំជួយណែនាំជូន។
សូមអរគុណ

By rmnasia

Leave a Reply

Your email address will not be published. Required fields are marked *

You missed

ឧត្តមសេនីយ៍ឯក រ័ត្ន ស្រ៊ាង ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែនឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ និងមន្ត្រីក្រោមឱវាទ បានចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។គម្រោងផែនការនេះ គឺជាអំពើភេរវកម្មប៉ុនប៉ងសម្លាប់ថ្នាក់ដឹកនាំកំពូលរបស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។យើងខ្ញុំសូមប្រកាសថ្កោលទោស ប្រឆាំងយ៉ាងដាច់អហង្ការចំពោះទង្វើទាំងឡាយ ដែលជាអំពើភេរវកម្ម ដែលបង្កឡើងដោយក្រុមឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុលនិយមបានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច។សម្តេចតេជោ ហ៊ុន សែន បញ្ជាក់យ៉ាងដូច្នេះថា «ខ្ញុំសូមចែករំលែកនូវព័ត៌មានតូចមួយ នៃផែនការភេវកម្មដែលប៉ុនប៉ងធ្វើឃាតលើរូបខ្ញុំ និងគ្រួសារខ្ញុំ។ យើងដឹងមេធំរបស់គេជាអ្នកណា ហើយនៅទីណា? តែយើងមិនទាន់បញ្ចេញនៅពេលនេះទេ ព្រោះយើងត្រូវកំចាត់ពួកជ្រុលនិយម និងហិង្សានិយមឲ្យអស់សិន។ តើប្រទេសដែលអួតខ្លួនថាប្រជាធិបតេយ្យ និងគោរពសិទ្ធមនុស្ស គាំទ្រអំពើបែបនេះ និងឲ្យជនទាំងនេះ ស្នាក់នៅក្នុងប្រទេសខ្លួនឬទេ?»។សម្តេចតេជោ ហ៊ុន សែន បានចោទជាសំណួរថា «យើងរង់ចាំមើលបណ្តាបក្សនយោបាយ និងអ្នកនយោបាយណាខ្លះ ដែលចេញមុខថ្កោលទោស ឬនៅស្ងៀម ឬគាំទ្រចំពោះទង្វើបែបនេះ?។ ខ្ញុំសូមប្រកាសថា ខ្ញុំនឹងកំចាត់ចោលអ្នកណាក៏ដោយដែលចង់សម្លាប់ខ្ញុំ និងគ្រួសារខ្ញុំ។ ខ្ញុំសូមជូននូវសារសំឡេង២ ដែលទី១ មុនខ្ញុំប្រកាសនៅខេត្តកណ្តាល និងទី២ គឺក្រោយខ្ញុំប្រកាស គឺនៅថ្ងៃទី១២ ខែកុម្ភៈ ឆ្នាំ២០២៥ ម្សិលមិញ»៕