រដ្ឋាភិបាលបំពាក់ស័ក្ដិ មុខតំណែងឲ្យដេីម្បីទៅបង្ក្រាបបទល្មើសបែរជាទៅប្រព្រឹត្តបបទល្មើសខ្លួនឯងទៅវិញ! ត្រូវតែទទួលខុសត្រូវចំពោះមុខច្បាប់..
Raksmey News /RMN News ចេញផ្សាយនៅវេលាម៉ោង១២ នឹង ៣០ នាទីថ្ងៃទី០១ ខែធ្នូ ឆ្នាំ២០២១
ខេត្តកំពង់ឆ្នាំង ៖ ស្នងការរង នៃស្នងការដ្ឋាននគរបាលខេត្តកំពង់ឆ្នាំង លោកឧត្តមសេនីយ៍ត្រី ស៊ុំ សុជាតិ ដែលល្បីល្បាញខាងឈូសឆាយយកដីព្រៃលិចទឹករបស់រដ្ឋ នៅខេត្តកំពង់ឆ្នាំង និងជាអ្នកពូកែប្ដឹងចាប់ប្រជាពលរដ្ឋដែលចូលទៅក្បែរដីលោកដាក់គុកនោះ បានស្ម័គ្រចិត្តប្រគល់ដីព្រៃលិចចំនួន ៦៧៥ ហិកតា ស្ថិតនៅក្នុង ឃុំច្រណូក ស្រុកកំពង់លែង ខេត្តកំពង់ឆ្នាំង មកឲ្យរដ្ឋវិញ។
នេះបើតាមការបញ្ជាក់របស់ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅថ្ងៃទី ១ ខែធ្នូ ឆ្នាំ២០២១នេះ អភិបាលខេត្តបានឲ្យដឹងទៀតថា ដីជាង ៦០០ហិកតានេះ គឺលោក ស៊ុំ សុជាតិ បានប្រគល់ឲ្យរដ្ឋវិញ កាលពីថ្ងៃ ២៩ ខែវិច្ឆិកា ឆ្នាំ២០២១ ហើយដីទាំងអស់នេះគឺបានមកដោយទិញពីប្រជាពលរដ្ឋ និងខ្លះទៀតបានដោយការឈូសឆាយបន្ថែម។
មហាជន ក៏ដូចជាប្រជាពលរដ្ឋខេត្តកំពង់ឆ្នាំង កំពុងរង់ចាំតាមដានបន្ត តេីមមានមន្ត្រីប៉ុន្មាននាក់អាចប្រឈមមុខចំពោះផ្លូវច្បាប់ពាក់ព័ន្ធនឹងការទន្ទ្រានយកដីព្រៃលិចទឹកជុំវិញបឹងទន្លេសាបនេះ ? សូមរំឭកថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលថ្ងៃទី ២៨ ខែវិច្ឆិកា បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និងប.ង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ជាពិសេសនៅខេត្តកំពង់ឆ្នាំង។មហាជនគ្រប់ទិសទីបានសាទរ និង គាំទ្រយ៉ាងខ្លាំងក្លាចំពោះចំណាត់ការរបស់សម្ដេចតេជោ ហ៊ុន សែន លេីពួកខិលខូចទន្ទ្រានយកដីរដ្ឋដោយខុសច្បាប់។
មហាជន ក៏ដូចជាប្រជាពលរដ្ឋខេត្តកំពង់ឆ្នាំង កំពុងរង់ចាំតាមដានបន្ត តេីមានមន្ត្រី ប៉ុន្មាននាក់អាចប្រឈមមុខចំពោះផ្លូវច្បាប់ពាក់ព័ន្ធនឹងការទន្ទ្រានយកដីព្រៃលិចទឹកជុំវិញបឹងទន្លេសាប ?
មហាជនគ្រប់ទិសទីបានសាទរ និង គាំទ្រយ៉ាងខ្លាំងក្លាចំពោះចំណាត់ការរបស់សម្ដេចតេជោ ហ៊ុន សែន លេីពួកខិលខូចទន្ទ្រានយកដីរដ្ឋដោយខុសច្បាប់ ។
កន្លងមកឱ្យតែអ្នកសារព័ត៌មានចុះផ្សាយពីក្រុមបុគ្គលទុច្ចរិតបំផ្លាញព្រៃលិចទឹកតែងតែធ្វើលិខិតបំភ្លឺបដិសេធ។
អង្គភាពអ្នកសារព័ត៌មានផ្សាយក្នុងគោលបំណងរិះគន់ដើម្បីស្ថាបនាតែប៉ុណ្ណោះ គ្មានចេតនាណាមួយឡើយ។
គ្រាន់តែស្រាវជ្រាវស៊ើបអង្កេតព័ត៌មានផ្សព្វផ្សាយជូនដំណឹងដល់ថ្នាក់ដឹកនាំចូលរួមកិច្ចការក្នុងសង្គមតែប៉ុណ្ណោះ៕N7
