ជនសង្ស័យ ០២ នាក់ត្រូវបានសមត្ថកិច្ចនៃអធិការរដ្ឋាននគរបាលស្រុកត្រាំកក់ឃាត់ខ្លួនពីបទរក្សាទុកនិងប្រើប្រាស់នូវសារធាតុញៀន
ខេត្តតាកែវ : ថ្ងៃសៅរ៍ ១៣រោច ខែមិគសិរឆ្នាំឆ្លូវត្រីស័ក ព.ស ២៥៦៥ ត្រូវនិងថ្ងៃទី០១ ខែមករា ឆ្នាំ២០២២វេលាម៉ោង០៥និង១០ នាទីទាបភ្លឺ ដោយមានការចង្អុលបង្ហាញពីសំណាក លោកវរៈសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ កម្លាំងជំនាញអធិការដ្ឋាននគរបាលស្រុកត្រាំកក់ សហការជាមួយប៉ុស្តិ៍រដ្ឋបាលលាយបូរ ធ្វើការចេញល្បាតត្រង់ចំណុចគោលដៅសំខាន់ៗ លុះដល់ចំណុចលើផ្លូវលំ ស្ថិតនៅភូមិ ធ្នង់រលើង ឃុំលាយបូរ ស្រុកត្រាំកក់ ខេត្តតាកែវ ដោយមានការសង្ស័យ សមត្ថកិច្ចយើងក៏បានធ្វើការឃាត់សាកសួរទៅលើជនសង្ស័យចំនួន០២នាក់ :
០១.ឈ្មោះ ទឹម រតនា ភេទប្រុសអាយុ ២៧ឆ្នាំ ភូមិអូរស្វាយចេក សង្កាត់រកាក្នុង ក្រុងដូនកែវ ខេត្តតាកែវ
០២.ឈ្មោះ អ៊ុង សារ៉ុម ភេទប្រុសអាយុ ២៨ឆ្នាំ នៅភូមិ អូរស្វាយចេក សង្កាត់រកាក្នុង ក្រុងដូនកែវ ខេត្តតាកែវ និងធ្វើការឆែកឆេរ ក៏ប្រទះឃើញមានម្សៅក្រាមពណ៌សថ្លាសង្ស័យថាជាសារធាតុញៀនចំនួន០១ កញ្ចប់តូចនៅនិងខ្លួនជនសង្ស័យ ភ្លាមនោះសមត្ថកិច្ចយើងក៏ធ្វើការឃាត់ខ្លួនជនសង្ស័យរួមនិងវត្ថុតាងរួមមាន : ម្សៅក្រាម ០១កញ្ចប់តូច និងម៉ូតូ០១គ្រឿង រួចក៏បញ្ជូនជនសង្ស័យរួមនិងវត្ថុតាងមកអធិការដ្ឋាននគរបាលស្រុកត្រាំកក់ដើម្បីកសាងសំណុំរឿងតាមនីតិវិធី ៕
