ជំទាវបណ្ឌិត លីគិមអេងចែកអំណោយដល់អ្នកសារព័ត៌មានស្វាគមន៌ឆ្នាំថ្មី
សៀមរាប៖វេលាម៉ោង13,30នាទី នៅគេហដ្ឋានផ្ទាល់ខ្លួន ក្នុងភូមិខ្នា សង្កាត់ជ្រាវ ក្រុងសៀមរាបខេត្តសៀមរាប លោកជំទាវបណ្ឌិតលីគិមអេង បានរៀបចំពិធីជួបជុំសំណេះសំណាលជាមួយអ្នកកាសែតក្នុងស្រុកដែលមានំនួន98អង្គភាពដេីម្បីអបអរឆ្នាំថ្មី2022និងអបអរនៅពេលដែលកម្ពុជាយេីងអាចរេីខ្លួនរួចពីជម្ងឺកូីត19បានតាមរយះការរំសាយចោលទាំងស្រុងសហគមន៌ 20 កុម្ភះ។
លោកជំទាវថ្លែងទៅកាន់អ្នកកាសែតទាំងអស់ដែលមានវត្តមាននៅទីនេះថា៖ កន្លងមកលោកជំទាវតែងតែរៀបចំកម្មវិធីនេះជារៀងរាល់ឆ្នាំតែអកុសលនៅ2ឆ្នាំកន្លងមកនេះ(2020-2021)កម្មវិធីបានអាក់ខានដោយសារវិបត្តជម្ងឺកូវីត19 តែពេលនេះឱកាសជួបជុំបានកេីតមានជាថ្មីទេីបលោកជំទាវរៀបចំកម្មវិធីនេះឡេីងវិញ។ ថ្ងៃនេះលោកជំទាវបានរៀបចំជាអំណោយបន្តិចបន្តួចចែកជូនដល់បណ្ដាអ្នកសារព័ត៌មានទាំងអស់ដែលបានមកចូលរួមហេីយពេលខាងមុខឆាប់ៗនេះលោកជំទាវនឹងយកអំណោយជាសារ៉ុងចំនួន500សារ៉ុង ទៅចែកជូនមន្ទីរពេទ្យគន្ធបុប្ផាខេត្តសៀមរាបដេីម្បីផ្ដល់ជូនដល់មាតាទាំងឡាយណាដែលមកសម្រាកសម្រលបុត្រមានការខ្វះខាតក្នុងជីវភាព។
ទឹកចិត្តដ៏ប្រពៃពោរពេញដោយក្ដីសប្បុរសធម៌របស់លោកជំទាវត្រូវបានមហាជនព្រមទាំងអ្នកសារព័ត៌មានក្នុងស្រុករីករាយសាទរជាពន្លឹក។
អំណោយដែលបានផ្ដល់ជូនអ្នកសារព័ត៌មាននាពេលនេះម្នាក់ៗទទួលបាន អង្ករ25 គីឡូនិងថវិកាម្នាក់10.000៛។
គប្បីជម្រាបជូនថាលោកជំទាវលី គិមអេងជាអាជីវករខេត្តសៀមរាបម្នាក់ដែលព្យាយាមរកទទួលទានតាមសម្មាជីវោតាំងពីមុខរបរតូចតាចរហូតពង្រីកខ្លួនបានធំធាត់ដូចសព្វថ្ងៃ ទេីបធ្វេីឲ្យលោកជំទាវមានលទ្ធភាពធ្វេីបុណ្យចែកទានដល់អ្នកខ្សត់ខ្សោយដេីម្បីបានជាកុសលតទៅមុខទៀត។ អ្នកមានរក្សាខ្សត់ដូចសំពត់ព័ទ្ធពីក្រៅ អ្នកប្រាជ្ញរក្សាខ្លៅដូចសំពៅនូវសំប៉ាន ៕ដោយអក្ខរា៣២
