អគ្គិភ័យឆាបឆេះផ្ទះស្តុកទុកសម្ភារៈលក់ដូរ មួយកន្លែង បង្កការភ្ញាក់ផ្អើលដល់បងប្អូនប្រជាពលរដ្ឋ ក្នុងសង្កាត់ព្រៃសខណ្ឌដង្កោ
រាជធានីភ្នំពេញ : ហេតុការណ៍នេះបានកើតឡើងកាលពីវេលាម៉ោង ១២និង១០នាទីថ្ងៃត្រង់ ថ្ងៃទី០៦ ខែវិច្ឆិកា ឆ្នាំ២០២១ ដែលស្ថិតនៅចំណុចផ្ទះលេខ១៦០A ផ្លូវ៧ ភូមិរកា សង្កាត់ព្រៃស ខណ្ឌដង្កោ រាជធានីភ្នំពេញ។
យោងតាមរបាយការណ៍របស់លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ម្ចាស់ទីតាំងឈ្មោះ ទី រិទ្ធី ភេទប្រុស អាយុ ៤៣ឆ្នាំ មុខរបរ លក់ដូរ ចំពោះមូលហេតុ នៃការឆាបឆេះ បណ្តាលមកពីការ ឆ្លងចរន្តអគ្គិសនី។
ក្នុងហេតុការណ៍មួយនេះ បណ្តាលឲ្យឆាបឆេះខូចខាតទំហំថ្មបេតុង ទំហំ ៤ម៉ែត្រ x ១៦ម៉ែត្រ សម្ភារៈស្តុកទុកសម្រាប់លក់ដូរអស់ទាំងស្រុង នឹងពុំបណ្តលឲ្យឆេះរាលដាលដល់ផ្ទះអ្នកជិតខាងឡេីយ។ សម្រាប់ប្រតិបត្តិការសង្គ្រោះរបស់ សមត្ថកិច្ចពន្លត់អគ្គីភ័យប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន ៣គ្រឿង ប្រើប្រាស់ទឹកអស់ ៥ឡាន ស្មើរនឹង ២៨ម៉ែត្រគូប និងរថយន្តជំនួយមកពីក្រុមហ៊ុនស្រាបៀរកម្ពុជា ចំនួន ១គ្រឿង ប្រើប្រាស់ទឹកអស់ចំនួន ២ឡាន ស្មើរនឹង ១២ម៉ែត្រគូប ទើបរលត់ទាំងស្រុងនៅវេលាម៉ោង ១២និង៤០នាទីថ្ងៃត្រង់ ក្នុងគ្រោះអគ្គិភ័យនេះពុំមានបណ្ដាលឲ្យមានមនុស្សរងគ្រោះឬបាត់បង់អាយុជីវិតឡើយ៕
