នគរបាលស្រុកគាស់ក្រឡបង្រ្កាបករណី គ្រឿងញៀនមួយករណីឃាត់ខ្លួនមុខសញ្ញាម្នាក់អនុវត្តតាមច្បាប់៖
ខេត្តបាត់ដំបង : នៅថ្ងៃអង្គារ៦កេីតខែអស្សុជឆ្នាំឆ្លូវ ត្រីស័កព.ស.២៥៦៥ ត្រូវនឹងថ្ងៃទី១២ខែតុលាឆ្នាំ២០ ២១ វេលាម៉ោង១៦និង៣០នាទីនៅចំណុចអណ្ដូងកន្ទួតភូមិគោករកា ឃុំដូនបាស្រុកគាស់ក្រឡ ខេត្តបាត់ដំបង អនុវត្តតាមមតិដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកឧត្តមសេនីយ៍ត្រី កុយ ហៀងស្នង ការរងផែនការងារប្រឆាំងគ្រឿងញៀន លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានដឹកនាំកម្លាំងផ្នែកនគរបាលប្រឆាំងគ្រឿងញៀន នៃអធិការដ្ឋាននគរបាលស្រុក ចុះល្បាតនិងត្រួតពិនិត្យនៅចំណុចភូមិសាស្ត្រខាងលើ បង្រ្កាបករណីរក្សាទុកដោយខុសច្បាប់នូវសារធាតុញៀន០១ករណីក្នុងបទល្មើសជាក់ ស្ដែងដោយបានឃាត់ខ្លួនជនសង្ស័យចំនួន០១នាក់ ឈ្មោះ ស៊ន មករា ហៅមាក់ ភេទប្រុស អាយុ២៧ឆ្នាំ ជនជាតិខ្មែរ រស់នៅភូមិព្រៃធំ ឃុំកំពង់ ល្ពៅ ស្រុកសំឡូតខេត្តបាត់ដំបង។
សមត្ថកិច្ចចាប់យកសម្ភារៈវត្ថុតាងរួមមាន៖១/ម្សៅក្រាមពណ៌សសង្ស័យជាគ្រឿងញៀនប្រភេទមេតំហ្វេតាមីនម៉ាទឹកកកICE ចំនួន០១ថង់មិនទាន់ថ្លឹងទម្ងន់ ។២/ទូរស័ព្ទដៃម៉ាកOPPOចំនួន០១គ្រឿង៣/រថយន្តម៉ាកកាម៉ារី ចំនួន០១គ្រឿង ពណ៌សស៊េរីឆ្នាំ១៩៩១ស្លាកលេខ សៀមរាប 2A -3780។
បច្ចុប្បន្នជនសង្ស័យ ខាងលើត្រូវបាននគរបាលស្រុកឃាត់ខ្លួនជាបណ្តោះអាសន្នដើម្បីកសាងសំ ណុំរឿងបញ្ជូនមកការិយាល័យជំនាញអនុវត្តតាម នីតិវិធី៕