សមត្ថកិច្ចនគរបាលកងអន្តរាគមន៍ បង្ការ បង្ក្រាប នៃស្នងការដ្ឋាននគរបាលខេត្តបាត់ដំបង ចុះប្រតិបត្តិការបង្ក្រាបករណីល្បែងស៊ីសងភ្នាល់មាន់ជល់មួយកន្លែងដោយឃាត់ខ្លួនមនុស្សចំនួន ៦នាក់
ខេត្តបាត់ដំបង : នៅថ្ងៃទី១១ ខែសីហា ឆ្នាំ២០២១ វេលាម៉ោង១៤:៣៥ នាទីនៅចំណុច ជីរក ស្ថិតនៅក្នុងភូមិបឹងក្រសា ឃុំស្ទឹង ស្រុកបាណន់ ខេត្តបាត់ដំបង ដោយអនុវត្តន៍តាមការណែនាំបញ្ជាផ្ទាល់ពី ឯកឧត្ដម ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងមានការសម្របសម្រួលលើនីតិវិធីពី ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង។ លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី ល្បែងស៊ីសង ( ភ្នាល់មាន់ជល់ ) ០១ ករណី និងបាននាំខ្លួនមនុស្សចំនួន ០៦ នាក់ មកកាន់ស្នងការដ្ឋាន ។ ១/ ឈ្មោះ ម៉ាន់ ធឿន ភេទប្រុស អាយុ ៤៣ ឆ្នាំ មានទីលំនៅភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង ។ ២/ ឈ្មោះ ម៉ាន់ ថា ភេទប្រុស អាយុ ៥១ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។ ៣/ ឈ្មោះ ចិន វុន ភេទ ប្រុស អាយុ ៤២ ឆ្នាំ មានទីលំនៅភូមិបឹងក្រសាល ឃុំស្នឹង ស្រុកបាណន់ ខេត្តបាត់ដំបង ។ ៤/ឈ្មោះ យ៉ន ម៉ាប់ ភេទប្រុស អាយុ ៤៦ ឆ្នាំ មានទីលំនៅភូមិព្រះស្រែ ឃុំស្នឹង ស្រុកបាណន់ ខេត្តបាត់ដំបង ។ ៥/ឈ្មោះ លឿត ឡាប ភេទប្រុស អាយុ ៤១ឆ្នាំ មានទីលំនៅភូមិបឹងក្រសាល ឃុំស្នឹង ស្រុកបាណន់ ខេត្តបាត់ដំបង ។ ៦/ឈ្មោះ ភួន កក្កដា ភេទប្រុស អាយុ ២៥ ឆ្នាំ មានទីលំនៅភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង ។ ក្នុងនោះដែលសមត្ថកិច្ចជំនាញ បានដកហូតវត្ថុតាងរួមមាន ៖ - ម៉ូតូ ចំនួន ០៣ គ្រឿង - មាន់ជល់ ចំនួន ០៥ ក្បាល - ស៊ុមមាន់ ចំនួន ០២ - សង្វៀនសម្រាប់ជល់មាន់ ចំនួន ០១ - ជញ្ជីង សម្រាប់ថ្លឹងមាន់ជល់ ចំនួន ០១ បច្ចុប្បន្នជនសង្ស័យញៀនល្បែងព្រមទាំងវត្ថុតាងត្រូវបាន ការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាម នីតិវិធី ៕
