រាជធានីភ្នំពេញ : កាលពីព្រឹក នៅថ្ងៃទី១៥ ខែមករា ឆ្នាំ២០២៥ ក្រសួងរៀបចំដែនដី នគរូបនីយកម្ម និងសំណង់  បាននិងកំពុងធ្វើបរិវត្តកម្មឌីជីថលទៅលើទិន្នន័យដែលក្រសួងគ្រប់គ្រង និងប្រែក្លាយរបៀបរបបការងារ។

ក្រសួងបានធ្វើការផ្សព្វផ្សាយអំពីទិន្នន័យឌីជីថល និងរបៀបរបបការងារតាមបែបឌីជីថលនេះ ជូនទៅដល់សាធារណៈជន រួមមានទាំងបងប្អូនប្រជាពលរដ្ឋទូទៅ ស្ថាប័នពាក់ព័ន្ធ និងដៃគូហិរញ្ញវត្ថុ ដូចជាធនាគារ និងមីក្រូហិរញ្ញវត្ថុជាដើម។

សូមគូសបញ្ជាក់ថា ទិន្នន័យរបស់ក្រសួង ដែលមានដូចជាប្រភេទក្បាលដី និងទីតាំងជាក់លាក់របស់ដី ដែលផ្តល់នូវភាពងាយស្រួលដល់ដៃគូ ដូចជាធនាគារ មីក្រូហិរញ្ញវត្ថុ អាចចូលមើលទិន្នន័យរបស់អ្នកដែលមកធ្វើការជាមួយស្ថាប័នខ្លួន។

ជាមួយគ្នានោះ ទ្រព្យដែលបានដាក់រក្សាការពារដោយតុលាការក៏អាចចូលទៅពិនិត្យមើលផងដែរ ហើយការរក្សាការសម្ងាត់ និងឯកជនភាពក៏ត្រូវបានអនុវត្ត។

សិក្ខាសាលាផ្សព្វផ្សាយ ការប្រើប្រាស់សេវាសាធារណៈអនឡាញរបស់ក្រសួងរៀបចំដែនដី នគរូបនីយកម្ម និងសំណង់ និងការរៀបចំឥណទានក្នុងវិស័យសំណង់ និងអចលនទ្រព្យនេះ មានសារៈសំខាន់ណាស់សម្រាប់បងប្អូនប្រជាពលរដ្ឋត្រូវយល់ដឹង ងាយស្រួលក្នុងការចូលទៅមើលក្នុង app របស់ក្រសួងដែនដីនគររូបណីយកម្មនិងសំណង់ផងដែរដើម្បីយល់ដឹងពីព័ត៌មានផ្សេងៗ ៕