សមត្ថកិច្ចឃាត់ខ្លួនជនសង្ស័យចំនួន៩នាក់ ពាក់ព័ន្ធករណីជួញដូរ និងប្រើប្រាស់គ្រឿងញៀន

សមត្ថកិច្ចឃាត់ខ្លួនជនសង្ស័យចំនួន៩នាក់ ពាក់ព័ន្ធករណីជួញដូរ និងប្រើប្រាស់គ្រឿងញៀន ខេត្តប៉ៃលិន: កាលពីវេលាម៉ោង ១៨និង៣០នាទី ថ្ងៃព្រហស្បតិ៍ ០១រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ខែឧសភា ឆ្នាំ២០២១ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសាលាក្រៅ បានសហការជាមួយកម្លាំងប៉ុស្តិ៍នគរបាលរដ្ឋបាលស្ទឹងកាច់ ឃាត់ខ្លួនជនសង្ស័យចំនួន ០២នាក់ ក្នុងករណីជួញដូរ និងប្រើប្រាស់គ្រឿងញៀន នៅចំណុចក្រោយកាស៊ីណូស៊ុបភើរិច ស្ថិតនៅភូមិផ្សារព្រំ ឃុំស្ទឹងកាច់ស្រុកសាលាក្រៅ ខេត្តប៉ៃលិន ដែលមានឈ្មោះដូចខាងក្រោម៖ ១. ឈ្មោះ ឃឹម សុគាដែន ភេទប្រុស អាយុ ៣៥ឆ្នាំ មុខរបរ មិនពិតប្រាកដ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ប្តី)។ ២. ឈ្មោះ តះ អែទះ ភេទស្រី អាយុ ២៨ឆ្នាំ ជនជាតិខ្មែរឥស្លាម មុខរបរ មិនពិតប្រាកដ រស់នៅភូមិ ភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ប្រពន្ធ)។ លុះដល់វេលាម៉ោង ១១និង៣០នាទី ថ្ងៃសុក្រ ០២រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៨ ខែឧសភា ឆ្នាំ២០២១លោកអធិការនគរបាលស្រុកសាលាក្រៅ ដឹកនាំកម្លាំងជំនាញទទួលផែនការងារប្រឆាំងគ្រឿងញៀន នៃអធិដ្ឋាននគរបាលស្រុកសាលាក្រៅ បន្តរនីតិវិធីនាំខ្លួនជនសង្ស័យទាំងពីរនាក់ខាងលើទៅចង្អុលបង្ហាញបន្ទប់ស្នាក់នៅរបស់ខ្លួន និងបន្ទប់ស្នាក់នៅរបស់បក្សពួកចំនួន ០១កន្លែងទៀត ស្ថិតនៅភូមិ ផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយមានការសម្របសម្រួលផ្ទាល់ពីលោក ជា សា ព្រះរាជអាជ្ញារង នៃអយ្យកាអមសាលាដំបូងខេត្តប៉ៃលិន ព្រមទាំងមានការចូលរួមពីលោក មាស សាវ៉ាត់ មេភូមិផ្សារព្រំ ។ ក្នុងការឆែកឆេរក្នុងផ្ទះជួលរបស់ឈ្មោះ ណុប សុធា ភេទស្រី អាយុ ៦៥ឆ្នាំ យើងបានឃាត់ខ្លួនជនសង្ស័យចំនួន ០៧នាក់ ស្រី ០២នាក់ក្នុងនោះមានជនជាតិថៃចំនួន ០២នាក់ និងអ្នកមើលការខុសត្រូវបន្ទប់ជួលខាងលើចំនួន ០១នាក់ស្រី មានរាយនាមដូចខាងក្រោម៖ ឈ្មោះ មាន សារី ភេទប្រុស អាយុ ២៤ឆ្នាំ ឈ្មោះ អៀ រ៉ាឃីម ភេទប្រុស អាយុ ១៩ឆ្នាំ ឈ្មោះ កាន ប្រម ភេទប្រុស អាយុ ៤៤ឆ្ឆ្នាឈ្មោះ សុខ អុីម ភេទស្រី អាយុ ៤១ឆ្នាំ ឈ្មោះ រុំ សៅណា ភេទស្រី អាយុ ២០ឆ្នាំ ឈ្មោះ អានុន សុថៃយ៉ាកន ភេទប្រុស អាយុ ៤២ឆ្នាំ ជនជាតិថថៃ និងឈ្មោះ ផាត់ ធារ៉ផុង ភេទប្រុស អាយុ ៣៥ឆ្នាំ ជនជាតិថៃ ។ បញ្ជាក់ ក្រោយពីសមត្ថកិច្ចយើងបានធ្វើតេស្តទឹកនោមរកសារធាតុញៀនរួចមកបញ្ជាក់ឲ្យឃើញថា ជនសង្ស័យទាំង ០៧ នាក់ខាងលើគឺមានសារធាតុញៀ ចំណែកឯអ្នកមើលការខុសត្រូវបន្ទប់ជួល ឈ្មោះ ណុប សុធា ភេទស្រី អាយុ ៦៥ឆ្នាំ ពុំមានសារធាតុញៀននោះទេ វត្ថុតាងរួមមានកាំបិតចំនួន ០១;បំពង់ទីប ចំនួន០១ ; ទូរស័ព្ទដៃចំនួន០២គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត ។ ក្រោយមកទៀតសមត្ថកិច្ចយេីងបានចុះឆែកឆេរបន្ទប់ជួលរបស់ឈ្មោះ ឃឹម សុគាដែន និងប្រពន្ធឈ្មោះ តះ អែទះ យើងបានរកឃើញវត្ថុតាង៖ ម្សៅក្រាមពណ៍សថ្លាសង្ស័យជាម៉ាទឹកកកចំនួន ០២កញ្ចប់ (កញ្ចប់ធំចំនួន ០១កញ្ចប់ និងតូចចំនួន ០១កញ្ចប់) និងជញ្ជីងសម្រាប់ថ្លឹងថ្នាំញៀនចំនួន ០១។ បច្ចុប្បន្ន ជនសង្ស័យ និងវត្ថុតាង បានឃាត់ខ្លួន និងរក្សាទុកនៅអធិការដ្ឋាននគរបាលស្រុកសាលាក្រៅ ដើម្បីចាត់ការតាមនីតិវីធីច្បាប់។

rmnasia

សមត្ថកិច្ចឃាត់ខ្លួនជនសង្ស័យចំនួន៩នាក់ ពាក់ព័ន្ធករណីជួញដូរ និងប្រើប្រាស់គ្រឿងញៀន

Byrmnasia

Like this:

By rmnasia

Related Post

បទវិភាគ៖ចិននិងប្រេស៊ីលពួតដៃគ្នាកសាងពិភពលោកដែលមានភាពកាន់តែល្អបវរ

សមត្ថកិច្ចកងរាជអាវុធហត្ថរាជធានីភ្នំពេញ ឃាត់ខ្លួនជនសង្ស័យ០២នាក់ បញ្ជូនទៅតុលាការ ពាក់ព័ន្ធករណីគ្រឿងញៀន!

Leave a Reply Cancel reply

You missed