ជិះម៉ូតូឡើងវ៉ា រថយន្តជ្រុលទៅបុកម៉ូតូមួយគ្រឿងដែលកំពុងបើកបរច្រាសទិសគ្នាបណ្តាលឲ្យរងរបួស៣នាក់
តាមរបាយការណ៍របស់អធិការដ្ឋាននគរបាលស្រុកតាលោសែនជ័យបានឲ្យដឹងថាម៉ូតូម៉ាកហុងដាឌ្រីមសេរីឆ្នាំ២០២០ ពណ៍ខ្មៅ ពាក់ស្លាកលេខ ព.ស 1k-6621 បើកបរដោយឈ្មោះ សេថ យ៉ុង ភេទ ប្រុស អាយុ ២០ ឆ្នាំ មុខរបរ កសិករ រស់នៅភូមិ ខ្វាវ ឃុំ រំលិចស្រុកបាកាន ខេត្តពោធិ៍សាត់(របួសស្រាល) បើកបរពីលិចទៅកើតមានគ្នា០២នាក់ ។ អ្នករួមដំណើរ ឈ្មោះ មាន់ លីជេ ភេទ ប្រុសអាយុ ១៨ ឆ្នាំ មុខរបរ កសិករ រស់នៅភូមិ រំលិច ឃុំរំលិច ស្រុកបាកាន (របួសស្រាល)។
ពេលមកដល់ចំណុចកើតហេតុខាងលើបានវ៉ាជែងរថយន្តដឹកទំនិញធន់តូច០១គ្រឿងដែលបើកស្របទិសគ្នា ខណ:ពេលនោះបានជ្រុលទៅបុកនឹងម៉ូតូ០១គ្រឿងម៉ាកហុងដាឌ្រីម សេរីឆ្នាំ ២០០៦ ពណ៍ខ្មៅ ពាក់ស្លាកលេខ ព.ស 1B-2989 ដែលកំពុងបើកបញ្ច្រាសទិសគ្នាពីកើតទៅលិច បើកបរដោយឈ្មោះ អ៊ុច សាវ៉ន ភេទ ប្រុស អាយុ ២៦ ឆ្នាំ រស់នៅភូមិឃុំកើតហេតុខាងលើបណ្តាលឲ្យរងរបួសធ្ងន់បាក់ស្មងជើងខាងស្តាំ។ ក្រោយពេលកើតហេតុសមត្ថកិច្ចបានបញ្ជូនអ្នករងរបួសទាំង០៣នាក់ទៅមណ្ឌលសុខភាពតាលោ និង មណ្ឌលសុខភាពតាសាស។
របាយការណ៍បានឲ្យដឹងទៀតថា ករណីនេះបណ្តាលមកពីកត្តាល្បឿននិងការឡើងវ៉ាជែងខ្វះការប្រុងប្រយ័ត្ន ទើបបណ្តាលឲ្យមានករណីគ្រោះថ្នាក់ចរាចរណ៍នេះកើតឡើង។ រឺឯម៉ូតូទាំងពីរគ្រឿងត្រូវបានយកមករក្សាទុកនៅអធិការដ្ឋាននគរបាលស្រុកតាលោសែនជ័យដើម្បីចាត់ការទៅតាមនីតិវិធី៕
