រថយន្តធុនធំមួយគ្រឿងម៉ាកHyunDaiបានចុះផឹកទឹកប្រឡាយ ក្នុងសង្កាត់ជើងឯក ខណ្ឌដង្កោ

ភ្នំពេញ ៖នៅរសៀលថ្ងៃទី៣១ ខែសីហា ឆ្នាំ២០២១ វេលាម៉ោង ២:៣៥នាទី នៅតាមបណ្ដោយផ្លូវលេខ ៥០មែត្រកែងនឹងផ្លូវលេខ៦០មែត្រ សត្វក្នុងសង្កាត់ជើងឯកខណ្ឌដង្កោរាជធានីភ្នំពេញ រថយន្តដឹកមាន់បើកបរលឿនជាន់ហ្វ្រាំងមិនស៊ីបួងចង្កូតទំលាក់ទឹកប្រឡាយសំណាងល្អមិនបង្កឲ្យមានអ្នករងរបួស ។ ព័ត៌មានពីកន្លែងកើតហេតុបានឲ្យដឹងថា : មុនពេលកើតហេតុគេបានឃើញ រថយន្ត មួយគ្រឿង ម៉ាកHyundai ពណ៌សពាក់ស្លាកលេខភ្នំពេញ3C-4662 បើកបរដោយ បុរសម្នាក់រួមជាមួយព្រូម្នាក់ទៀតធ្វើដំណើរតាមបណ្ដោយផ្លូវ៥០ម៉ែត្រក្នុងទិសដៅពីលិចទៅកើត ខណៈមកដល់ត្រង់ចំណុចស្តុបផ្លូវ៥០ម៉ែត្រកែងផ្លូវ៦០ម៉ែត្រ ជាន់ហ្វ្រាំងមិនស៊ីតៃកុងក៏បានបួងចង្កូតទំលាក់ចូលទឹកប្រឡាយដើម្បីគេចចេញពីរថយន្តនៅខាងមុខ សំណាងល្អមិនបង្ក អោយមានអ្នករងរបួស ឡើយ។ក្រោយកើតហេតុកម្លាំងសមត្ថកិច្ចមូលដ្ឋានបានចុះមកដល់ត្រួតពិនិត្យកន្លែងកើតហេតុ ហើយរថយន្តខាងលើមិនបង្កគ្រោះថ្នាក់ ដល់អ្នកដទៃនិងសម្បត្តិសាធារណ សមត្ថកិច្ចបានអនុញ្ញាតឲ្យម្ចាស់រថយន្តស្ទូចយករថយន្តទៅជួសជុលដោយ ខ្លួនឯង៕