រថយន្តធុនធំមួយគ្រឿងបានបើកបរដោយមានការថ្វេសប្រហែសរេចង្គូតធ្លាក់ប្រឡាយចូលទឹកស្អុយតាមបណ្ដោយ ផ្លូវជាតិលេខ ៤ ក្នុងសង្កាត់ចោមចៅទី ៣ ខណ្ឌពោធិ៍សែនជ័យរាជធានីភ្នំពេញ (មានវីឌីអូ)

ភ្នំពេញ ៖ នៅព្រឹកថ្ងៃទី២៩ ខែសីហា ឆ្នាំ២០២១ វេលាម៉ោង២រំលង ឡានបែនដឹកដីមួយគ្រឿង បើកឌឺដងជាមួយកុងទីន័រ ធ្វេសប្រហែស ក៏រេចង្កូតធ្លាក់ចូលប្រឡាយ ដេកត្រាំទឹកស្អុយពេញមួយយប់ ម្ចាស់មិនទាន់មានចំណាត់ការ នៅតាមផ្លូវជាតិលេខ៤ ខាងកើតជាប់នឹងផ្លូវរថភ្លើង ចំណុចភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។រថយន្តជួបគ្រោះថ្នាក់ខាងលើ ម៉ាកនីសាន់ បែនកង់៦ ដឹកដី ចង្កូតស្តាំ ពណ៌ស្វាយ ពុំមានពាក់ស្លាកលេខ សំណាងល្អអ្នកបើកបរមិនមានរងរបួស ក្រោយកើតហេតុ មកដល់ព្រឹកថ្ងៃទី២៩ ខែសីហា ឆ្នាំ២០២១ តៃកុងចាកចេញទៅដេកនៅផ្ទះបាត់ សុខចិត្តទុកឡានឲ្យដេកត្រាំទឹកស្អុយ ។តាមកម្មករយាមផ្លូវដែក ក្បែរកន្លែងកើតហេតុបានឲ្យដឹងថា មុនកើតហេតុ រថយន្តបើកពីលិចទៅកើត មកដល់ចំណុចកើតហេតុ រេចង្កូតទៅឆ្វេង ជ្រុលធ្លាក់ចូលក្នុងប្រឡាយទឹកស្អុយ ម្ចាស់អ្នកបើកបរលូនចេញមកក្រៅ សំណាងល្អមិនមានរងរបួស ។ក្រោយកើតហេតុសមត្ថកិច្ចចុះទៅពិនិត្យ ឃើញថាមិនប៉ះពាល់ដល់អ្នកដទៃ អនុញ្ញាតិឲ្យម្ចាស់រករថយន្តស្ទូចទៅលើក ចេញ ផងដែរ៕ដោយអក្ខរា០៦