គ្រោះថ្នាក់ចរាចរណ៍ រថយន្ត ក្រឡុកស៊ីម៉ង់តិ៍ បើកបុក ប៉ើង ធ្លាក់ចូលក្នុងប្រឡាយស្លាប់នៅកន្លែង និងម្នាក់ទៀត បានរងរបួសធ្ងន់

ភ្នំពេញៈ កាលពី ថ្ងៃទី២៩ ខែសីហា ឆ្នាំ២០២១នៅតាមមហាវិថីឈ្នះឈ្នះ ក្នុងភូមិ ផ្សារលិច ក្នុងសង្កាត់ព្រែកព្នៅ ខណ្ឌព្រែកព្នៅ ។ម៉ូតូមួយគ្រឿង ត្រូវរថយន្ត ក្រឡុកស៊ីម៉ង់តិ៍ បើកបុក ប៉ើង ធ្លាក់ចូលក្នុងប្រឡាយបណ្ដាលឱ្យបុរសម្នាក់បានស្លាប់នៅកន្លែង និងម្នាក់ទៀត បានរងរបួសធ្ងន់។ បន្ទាប់ពី បង្កគ្រោះថ្នាក់អ្នកបើកបរ រថយន្តក្រឡុកស៊ីម៉ង់តិ៍ បានបើកគេចបាត់។ ជនរងគ្រោះ ដែលស្លាប់មាន ឈ្មោះ គង់ គា ហៅគង់ សីហា អាយុ ៣៤ឆ្នាំ ស្នាក់នៅ ស្រុកកំពង់ស្វាយ ខេត្តកំពង់ធំ ខាងស្រុកប្រពន្ធ និង មានស្រុកកំណើត ភូមិ ពានរោង ឃុំពានរោង ស្រុកស្វាយអន្ទរ ខេត្តព្រៃវែង និងមាន ប្រពន្ធ ជាកម្មការីនីរោងចក្រ មានកូនម្នាក់ ។ ចំណែកអ្នករងរបួស ពុំស្គាល់អត្តសញ្ញាណឡើយ ត្រូវបានរថយន្ត សាម៉ុយ របស់មន្ទីរពេទ្យឯកជនបញ្ជូនទៅសង្គ្រោះ ហើយ ជនរងគ្រោះ បានជិះម៉ូតូ ម៉ាកហុង ដាឌ្រីមសេ១២៥ ពណ៌ខ្មៅ ពាកស្លាកលេខ ភ្នំពេញ ១IE.៥១៦១ មួយគ្រឿង។ នៅមុនពេលកើតហេតុ គេឃើញ រថយន្ត ក្រឡុកស៊ីម៉ង់តិ៍ មួយគ្រឿងបានធ្វើដំណើរ តាមមហាវិថីឈ្នះ ឈ្នះ ក្នុងទិសដៅពីលិចទៅកើត ។ នៅពេលមកដល់កន្លែងកើតហេតុ ក៏បានបត់ឆ្វេង វង់ក្បាលសួនច្បាស់ខណ្ឌចែកទ្រូង ក៍បានជ្រុលទៅបុកម៉ូតូ ជនរងគ្រោះ ដែល កំពុងធ្វើដំណើរក្នុងទិសដៅពីកើតទៅលិច ប៉ើងធ្លាក់ចូលប្រឡាយទឹកបណ្តាលអោយស្លាប់ម្នាក់ និងរបួសម្នាក់។ បន្ទាប់ពីបង្កគ្រោះថ្នាក់រថយន្តបង្ក បានបើករត់ទៅទិសខាងលិចបាត់ ។សមត្ថកិច្ចជំនាញបានចុះមកដល់កន្លែងកើតហេតុដើម្បីធ្វើការវាស់វែងនិងស្រាវជ្រាវស្វែងរកជនបង្កដើម្បីចាត់ការទៅតាមផ្លូវច្បាប់ ៕