ខេត្តស្ទឹងត្រែង ÷ ពិធីបុណ្យចូលឆ្នាំថ្មីប្រពៃណីជាតិខ្មែរ ឬមហាសង្រ្កាន្ត និងឈានចូលមកដល់នៅថ្ងៃចន្ទ ២រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនិងថ្ងៃទី១៤ ខែមេសា ឆ្នាំ២០២៥ ខាងមុខនេះ ។សម្រាប់ខេត្តស្ទឹងត្រែងនៅថ្ងៃអបអរសាទរពិធីបុណ្យចូលឆ្នាំថ្មីប្រពៃណីជាតិនេះ និងមានរៀបចំព្រឹត្តិការណ៍ស្ទឹងត្រែងសង្ក្រានដ៏ធំ នៅទីលាននាគជ័យ មុខសាលាខេត្តផងដែរ។

ព្រឹត្តិការណ៍សង្ក្រាន្តឆ្នាំថ្មី២០២៥ នៅក្នុងខេត្តស្ទឹងត្រែងនេះ ត្រូវបានថ្នាក់ដឹកនាំខេត្តស្ទឹងត្រែង ជាពិសេសឯកឧត្តម សរ សុពុត្រា អភិបាលនៃគណៈអភិបាលខេត្ត ធ្លាប់បានបញ្ជាក់ថា រដ្ឋបាលខេត្តនឹងរៀបចំព្រឹត្តិការណ៍ស្ទឹងត្រែងសង្រ្កាន្ត ឆ្នាំ២០២៥ ឱ្យមានភាពអធិកអធមដើម្បីបង្កភាពសប្បាយរីករាយជូនប្រជាពលរដ្ឋ ។

នៅក្នុងស្ទឹងត្រែងសង្ក្រាន្តឆ្នាំ២០២៥នេះ មានកម្មវិធីកម្សាន្តជាច្រើនផ្សេងៗទៀតដែលត្រូវបានរដ្ឋបាលខេត្តរៀបចំ ប៉ុន្តែអ្វីឲ្យគត់សម្គាល់និងចម្លែកប្លែកជាងឆ្នាំមុនៗនោះគឺ ឆ្នាំ២០២៥ រដ្ឋបាលខេត្តនឹងធ្វើការរៀបចំល្បែងប្រជាប្រិយទាញព្រ័ត្រមហិមា ដែលព្រ័ត្រនេះមានប្រហែលរហូតដល់២០០ម៉ែត្រ។

លើកឡើងក្នុងឱកាសដឹកនាំក្រុមការងារចុះដង្ហែព្រ័ត្រ និងសាកល្បងទាញព្រ័ត្រលើកទី១ លោក ហ៊ាង ប៉ូលី ប្រធានមន្ទីរអប់រំយុវជន និងកីឡាខេត្តស្ទឹងត្រែង និងជាប្រធានអនុគណៈកម្មការព្រ័ត្រមហិមាបានឲ្យដឹងថា ក្នុងរយៈពេលបីថ្ងៃក្នុងព្រឹត្តិការណ៍ស្ទឹងត្រែងសង្ក្រាន្ត និងមានការរៀបចំល្បែប្រជាប្រិយទាញព្រ័ត្រដែលមានប្រវែង ២០០ម៉ែត្រ និងទំងន់៣០០គីឡូក្រាម។

លោក ហ៊ាង ប៉ូលី ប្រធានអនុគណៈកម្មការព្រ័ត្រមហិមាបានបន្តថាសម្រាប់សកម្មភាពដែលបងប្អូនប្រជាពលរដ្ឋបានឃើញនៅថ្ងៃទី នារសៀលថ្ងៃទី ០១ ខែមេសា ឆ្នាំ២០២៥នេះ គឺក្រាន់តែជាការតែងជាការសង្ហែព្រ័ត្រយកទៅទុកនៅមន្ទីរអបរំយុវជននិងកីឡាខេត្ត ហើយក៏ជាការទាញព្រ័ត្រសាកល្បងលើកទី១ តែប៉ុណ្ណោះ។

លោកប្រធានអនុគណៈកម្មការព្រ័ត្រមហិមាបានបញ្ជាក់ថា ការទាញព្រ័ត្រសាកល្បងលើកទី១នាថ្ងៃនេះមានការចូលរួមពីសំណាក់សិស្សានុសិស្ស និងលោកគ្រូ អ្នកគ្រូចំនួន១៣១១នាក់ មកអនុវិទ្យាល័យព្រះរាជបូជនីយកិច្ច និងវិទ្យាល័យហ៊ុន សែន ស្ទឹងត្រែង។

គួបញ្ជាក់ផងដែរថាល្បែងទាញព្រ័ត្រ ជាល្បែងលេងកំសាន្ដសប្បាយរបស់យុវជនខ្មែរទាំងបុរស ទាំងស្រ្ដី កំលោះ ក្រមុំ។ ល្បែងនេះគេលេងដោយប្រើកំលាំងកាយនិងលេងនៅ ក្នុងរដូវចូលឆ្នាំខ្មែរ គឺខែចេត្រ ពិសាខប៉ុណ្ណោះ ។  អ្វីដែលពិសេសល្បែងប្រជាប្រិយទាញព្រ័ត្រនេះ ត្រូវបានរាជរដ្ឋាភិបាលកម្ពុជា ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ នៅថ្ងៃទី២ ខែធ្នូ ឆ្នាំ២០១៥កន្លងមក។ ដោយ÷ កុល សារត្ន័ ។