ខេត្តមណ្ឌលគិរី៖ មេឈ្មួញឈើម្នាក់ឈ្មោះ “ទូ” ដែលត្រូវគេគេស្គាល់ថាបានជួញដូរ និងដឹកជញ្ជូនឈើខុសច្បាប់ជាយូរឆ្នាំមកហើយ នៅតែបន្តសកម្មភាពរបស់ខ្លួនដោយគ្មានការខ្លាចក្រែងរឯងនិងញញើតច្បាប់ឡើយ។

បើតាមប្រភពព័ត៌មានជាច្រើនបានបង្ហើបថា លោកទូមានទីលំនៅនៅខេត្តមណ្ឌលគិរី ហើយតែងប្រើរថយន្តដឹកឈើ ដើម្បីជៀសវាងការចាប់ខ្លួនពីសំណាក់សមត្ថកិច្ច។កាលនៅវេលាម៉ោង ៧:៣០នាទីព្រឹក ថ្ងៃទី៣០ ខែមិថុនា ឆ្នាំ២០២៥ លោកទូត្រូវបានឃើញដឹកឈើតាមរថយន្តឡង់គីស័រ ពណ៌ខ្មៅលាយស ផ្លាកលេខភ្នំពេញ 2AM-5906 ឈើត្រូវបានដាក់បំបាំងក្នុងរថយន្តដើម្បីបំភាន់ភ្នែកសមត្ថកិច្ច និងជំនាញពាក់ព័ន្ធ ដោយគេជឿថារថយន្តបានផុតពិន័យដោយសុវត្ថិភាព។

ប្រភពព័ត៌មានមួយបានឲ្យដឹងថា មេឈ្មួញឈើរូបនេះបានប្រមូលឈើឡាំងរួចជ្រុងៗ (ឈើសក្រម) ហើយស្នើឲ្យក្រុមការងាររបស់ខ្លួនដឹកឈើចូលក្រុងសែនមនោរម្យ ដោយយកមកទុកក្បែរប៉ុស្តិ៍ ឃុំមនោរម្យ ប្រហែល ៦០ ម៉ែត្រពីចំហៀងផ្លូវ។
បន្ទាប់ពីមានការលេចធ្លាយព័ត៌មាន មេឈ្មួញឈើ “ទូ” ត្រូវបានគេឃើញដឹកឈើចេញពីទីតាំងនោះយ៉ាងរហ័ស ដើម្បីជៀសវាងការចាប់ពីសមត្ថកិច្ច។ ធាតុពិតនៃករណីនេះ កើតឡើងនៅភូមិជ្រៃសែន ឃុំមនោរម្យ ក្រុងសែនមនោរម្យ ខេត្តមណ្ឌលគិរី។

យោងតាមសំណូមពររបស់មហាជននិងប្រជាពលរដ្ឋមូលដ្ឋាន សូមអាជ្ញាធរសមត្ថកិច្ចពាក់ព័ន្ធចូលរួមពិនិត្យ និងចាត់វិធានការតាមផ្លូវច្បាប់ចំពោះសកម្មភាពដឹកជញ្ជូនឈើខុសច្បាប់ ដើម្បីការពារធនធានព្រៃឈើជាសម្បត្ដិជាតិ និងការលើកកម្ពស់អធិការកិច្ចច្បាប់ឲ្យមានប្រសិទ្ធភាពជាក់ស្តែងជាពិសេសក្នុងតំបន់ព្រៃឈើ ក្នុងខេត្តមណ្ឌលគិរី៕