ខណ្ឌពោធិ៍សែនជ័យ៖ នៅវេលាម៉ោង ១០:០០នាទី ព្រឹកថ្ងៃពុធ ៦ រោច ខែអាសាឍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៦ ខែកក្កដា ឆ្នាំ២០២៥ ក្រោមការណែនាំពី លោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ លោកវរសេនីយ៍ត្រី នាង ឧត្តម នាយប៉ុស្តិ៍នគរបាលរដ្ឋបាលត្រពាំងក្រសាំង បានដឹកនាំកិច្ចប្រជុំការងារបន្ទាន់ ដើម្បីពង្រឹងការងារក្នុងមូលដ្ឋាន ។

កិច្ចប្រជុំមានគោលបំណងសំខាន់ក្នុងការពិភាក្សា និងគ្រោងផែនការបន្តសកម្មភាពដើម្បី
ពង្រឹងការងារពួនស្ទាក់ល្បាតតាមភូមិសាស្ត្រ ដើម្បីទប់ស្កាត់បទល្មើសព្រហ្មទណ្ឌ និងបញ្ហាក្មេងទំនើង។
ជំរុញការងារផ្នែកសន្តិសុខ និងសណ្ដាប់ធ្នាប់ចរាចរណ៍ផ្លូវគោក។

ផ្តល់សេវាសាធារណៈនានា ដូចជា ការចុះបញ្ជីសៀវភៅស្នាក់នៅ សៀវភៅគ្រួសារ និងអត្តសញ្ញាណប័ណ្ណសញ្ជាតិខ្មែរ ដល់ប្រជាពលរដ្ឋ ក្នុងគោលបំណងឲ្យប្រើប្រាស់តាមតំរូវការជាក់ស្តែងនៅក្នុងតំបន់ ។

អមដោយការបន្តពង្រឹងការងារទាំងអស់នេះ ផែនការការងារបន្តនឹងធ្វើឡើងជាបន្តទៀតក្នុងខែសីហា ឆ្នាំ២០២៥ ខាងមុខនេះ ដោយផ្តោតលើការផ្តល់សេវាជូនប្រជាពលរដ្ឋឲ្យមានប្រសិទ្ធភាពខ្ពស់បន្ថែមទៀត ។

ក្នុងឱកាសនេះផងដែរ លោកនាយប៉ុស្តិ៍បានណែនាំ និងរំលឹកដល់កងកម្លាំងអនុវត្តការងារឱ្យគោរពវិន័យកងកម្លាំងឱ្យបានល្អប្រសើរឡើងជាបន្តបន្ទាប់ ដើម្បីបម្រើសេវាសាធារណៈ និងថែរក្សាសុខសន្តិភាពជាអនុវត្តន៍ឲ្យបានសម្រេចដោយជោគជ័យ ៕N7
ប្រភពពី ប៉ុស្តិ៍នគរបាលរដ្ឋបាលត្រពាំងក្រសាំង