ភ្នំពេញ ៖ នារសៀលថ្ងៃទី០៨ ខែកក្កដា ឆ្នាំ២០២៥ វេលាម៉ោង ១៤:០០ នាទី ដោយមានការណែនាំពីឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌទួលគោក បានដឹកនាំក្រុមការងារចូលរួមក្នុងពិធីបុណ្យសព លោកអនុសេនីយ៍ឯក ហង្ស ចិន្តា មន្រ្ដីនគរបាលយុត្ដិធម៍នៃអធិការដ្ឋាននគរបាលខណ្ឌទួលគោក ដែលបានទទួលមរណភាពនៅល្ងាចថ្ងៃទី០៧ ខែកក្កដា ឆ្នាំ២០២៥។
ពិធីបុណ្យសពនេះបានប្រារព្ធនៅផ្ទះលេខ ១៦ ផ្លូវលំ ភូមិព្រៃព្រីងខាងជើង សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ក្នុងបរិយាកាសដ៏សោកសៅ ហើយជាពិសេសក្នុងន័យនៃការកោតសរសើរចំពោះបំណេចផ្នែកមុខងារ និងការបំពេញភារកិច្ចដោយស្មោះត្រង់របស់លោកមន្រ្ដីដែលទទួលមរណៈភាព។
ជាមួយនឹងការចូលរួមក្នុងពិធី ក្រុមការងារនគរបាលខណ្ឌទួលគោក ក៏បាននាំយកថវិកាជួយចូលរួមពិធីបុណ្យសពសរុបចំនួន ៤.៣០០.០០០ រៀល និង ៣៨០ ដុល្លារ អាមេរិក ក្នុងនោះមាន៖
ថវិកាពីកងកម្លាំងនគរបាលខណ្ឌទួលគោកចំនួន ៣.៥០០.០០០ រៀល និង ១០០ ដុល្លារ។
ថវិកាពីក្រុមអាជីវករទិញលក់ម៉ូតូនៅផ្សារឃ្លាំងរំសេវ ចំនួន ៨០០.០០០ រៀល និង ២៨០ ដុល្លារ។
ការចូលរួមក្នុងពិធី និងការផ្តល់ជំនួយនេះ ជាការបង្ហាញនូវស្មារតីសាមគ្គីភាព ស្មោះត្រង់ និងការលើកទឹកចិត្តរបស់ក្រុមការងារ និងសហគមន៍ចំពោះគ្រួសារមន្រ្ដីដែលបានបាត់បង់ជីវិតក្នុងកាតព្វកិច្ចកន្លងមក ៕
