ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, នៅថ្ងៃទី២៤ ខែ​មិថុនា​ ឆ្នាំ២០២៤​ វេលាម៉ោង​១៥៖៣០នាទី​ នៅត្រង់ចំណុច​ភូមិស្តៅ​ ឃុំស្តៅ​ ស្រុកកង​មាស​ ខេត្ត​កំពង់ចាម​ លោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន បានដឹកនាំកម្លាំង​ជំនាញ​នាយកដ្ឋាន​ សហការជាមួយ​កម្លាំង​ជំនាញ​ស្នងការ​ដ្ឋាននគរបាលខេត្តកំពង់ចាម​ ធ្វេីការបង្ក្រាប​ និងឃាត់ខ្លួនជនសង្ស័យឈ្មោះ​ សារី​ ធារក្ស​ ភេទប្រុស​ អាយុ២៤ឆ្នាំ​ ជនជាតិ​ខ្មែរ​ អាសយដ្ឋាន​ភូមិគកក្របី​ ឃុំរាយប៉ាយ​ ស្រុកកងមាស​ ខេត្តកំពង់ចាម​ ពាក់ព័ន្ធ​ករណី​ប៉ុនប៉ងឃាតកម្ម។

សូមជម្រាបថា នៅថ្ងៃទី២២ ខែមិថុនា​ ឆ្នាំ២០២៤​ នៅវេលាម៉ោង​ប្រហែល២១៖២២០នាទី មានករណី​ប៉ុនប៉ងឃាតកម្ម​ នៅចំណុចភូមិស្តៅ​ ឃុំស្តៅ​ ស្រុកកងមាស​ ខេត្តកំពង់ចាម​​ លេីជនរងគ្រោះឈ្មោះ​ ព្រួយ​ សុខណាង​ ភេទស្រី​ អាយុ២៣ឆ្នាំ​ ជនជាតិខ្មែរ​ និងម្តាយឈ្មោះ​ វ៉ន​ វណ្ណេី​ អាយុ៥២ឆ្នាំ​ ជនជាតិខ្មែរ​​​ បណ្តាល​ឲ្យរងរបួសធ្ងន់ធ្ងរ​ ហេីយឈ្មោះ​ ព្រួយ​ សំណាង​ និងឈ្មោះ​ វ៉ន​ វណ្ណេី​ន ត្រូវបានបញ្ជូនទៅសង្គ្រោះបន្ទាន់មន្ទីរពេទ្យរាជធានីភ្នំពេញ។

តាមចម្លេីយ​សាកសួរបឋមរបស់ជនសង្ស័យ​ បានសារភាព​ថា​ ខ្លួនបានពូថៅទៅវាយអតីតប្រពន្ធឈ្មោះ​ ព្រួយ​ សុខណាង​ និងអតីតម្តាយក្មេកឈ្មោះ​ វ៉ន​ វណ្ណេី​ ដែលទេីបលេងលះគ្នា​រយៈពេល​ប្រហែល០១ខែ​ បណ្តាលឲ្យរងរបួសជាទម្ងន់ ពិតប្រាកដមែន​។

បច្ចុប្បន្ន​នាយដ្ឋាន​បាន​ប្រគល់ជនសង្ស័យខាងលេី​ ជូនស្នងការដ្ឋាននគរបាលខេត្តកំពង់ចាម​ ដេីម្បី​ធ្វេីការសាកសួរ​ និង​កសាងសំណុំរឿង​តាមនីតិវិធី​៕

https://www.facebook.com/FastNewRaksmey?mibextid=ZbWKwL
https://www.rmn.asia
https://t.me/+cYqQWKH24_I5ZjE1

RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 086976222។

📍ការិយាល័យកណ្ដាល គេហទំព័រ រស្មី ញ៉ូស៍ (បុគ្គលិកប្រចាំការ) ☎️012 278 222 អង្គភាពយើងខ្ញុំមានមេធាវី 03 រូប សម្រាប់ការពារក្ដី បើលោកអ្នកជួបរឿងអយុត្តិធម៏យើងខ្ញុំជួយណែនាំជូន។
សូមអរគុណ