ភ្នំពេញ: ហេតុការណ៍នេះកើតឡើង កាលពី ថ្ងៃទី១៣ ខែកញ្ញា ឆ្នាំ២០២២ នៅលើផ្លូវជាតិលេខ៣ ចំណុចស្ពានអាកាសចោមចៅ ភូមិព្រៃព្រីងខាងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះនេះ មិនត្រូវបានគេស្គាល់អត្តសញ្ញាណឡើយ ហើយនៅមុនពេលកើតហេតុ ត្រូវបានគេឃើញបុរសខាងលើនោះ ជិះម៉ូតូ១គ្រឿងម៉ាកហុងដាសេ១១០ ពណ៌ក្រហម ពាក់ស្លាកលេខក្រុងព្រះសីនុ 1A-3044 ធ្វើដំណើរក្នុងទិសដៅពីត្បូងទៅជើង ហើយពេលទៅដល់ត្រង់ចំណុចកើតហេតុ ពុំដឹងថាគាត់មើលមិនឃើញឬបែបណានោះទេ ក៏រេចង្កូតជ្រុលទៅបុករនាំងពុះចែកទ្រូងផ្លូវ ស្ពានអាកាសចោមចៅតែម្ដង ។
ប្រភពដដែលបានបញ្ជាក់ឱ្យដឹងទៀតថា ពេលនោះបានបណ្ដាលឲ្យដួលរងរបួសធ្ងន់ ហើយក្រោយពេលកើតហេតុភ្លាមៗ រថយន្តពេទ្យបានទៅដឹកយកបុរសខាងលើ នាំទៅកាន់មន្ទីរពេទ្យ ដើម្បីសង្រ្គោះ ៕
https://www.rmn.asia
