ភ្នំពេញ នៅវេលាម៉ោងប្រមាណ១២,៣០នាទីមានករណីគ្រោះថ្នាក់ចររាចរណ៍១បានកើតឡើងនៅចំណុចផ្លូវប្រសព្វ លេខ១៩៣៥និងផ្លូវលេខ ១០១៥ ឋិតនៅភូមិបាយ៉ាបសង្កាត់ភ្នំពេញថ្មី ខណ្ឌសែនសុខ រាជធានី ភ្នំពេញ។

រថយន្តម៉ាកstarex ពាក់ស្លាកលេខ 2AY 0387 ធ្វើដំណើរពីលិចទៅកើតក្នុងល្បឿនលឿនមកដល់ផ្លូវប្រសព្វមិនបានប្រុងប្រយ៏ត្នក៏ជ្រុលទៅបុកម៉ូតូមួយគ្រឿងម៉ាក ZOOMER-X ពាក់ស្លាកលេខ 1S. 4801 បណ្តាលអោយនារីអ្នកបើកបរម៉ូតូរងរបួសធ្ងន់(បាក់ភ្លៅខាងស្ដាំ)បញ្ជួនទៅសង្គ្រោះនៅមន្ទីរសំរាកព្យាបាល ពន្លឺ ។

នារីរងគ្រោះមានឈ្លោះ ចំរើន ឈុយម៉េង អាយុ ២៣ ឆ្នាំស្នាក់នៅផ្ទះជួលខាងក្រោយមណ្ឌលសុខភាពទឹកថ្លា។ ចំណែករថយន្តនិងម៉ូតូត្រូវបានសមត្ថកិច្ចវាស់វែងនិងដោះស្រាយ ចំណែកការដោះយ៉ាងណានោះអ្នកយកព័ត៌មានយើងពុំទាន់ទទួលបាន ពត៍មានបន្ថែមនៅឡើយទេ។

គួបញ្ជាក់ផងដែរថានៅកន្លែងកើតហេតុខាងលើគឺមានករណីគ្រោះថ្នាក់ចរាចរណ៍ញឹកញាប់ណាស់ហើយប្រជាពលរដ្ឋសំណូមពរដល់អាជ្ញាធរមេត្តាជួយដាក់សញ្ញា បន្ថយល្បឿន ឬធ្វើពំនួកកាត់ ផ្លូវដើម្បីជៀសវាងកុំអោយគ្រោះថ្នាក់ញឹកញាប់ពេក។អក្ខរា០៣