ភរិយាសាកសពរៀបរាប់ថាប្ដីនាងមានអាយុ២៤ឆ្នាំឯនាង២៦ឆ្នាំ ពួកគេរួមរស់ជាមួយគ្នាជាង៥ឆ្នាំហើយ មានកូនស្រីម្នាក់ជាចំណងដៃអាពាហ៍ពិពាហ៍មានអាយុ៥ឆ្នាំហើយ ប្ដីនាងធ្វើការខាងអនឡាញក្នុងកាស៊ីណូមួយ ដែលការងារនោះគេមិនអនុញ្ញាត្តឲ្យចេញមកផ្ទះទេព្រោះខ្លាចឆ្លងកូវីត។ក្នុងអម្លុងពេលបែកដំណេកគ្នាយូរ នាងបានតាមទាន់ជាក់ស្ដែងឃើញប្ដីនាងដេកជាមួយស្រីផ្សេងធ្វើឲ្យនាងផ្ទុះភ្លើងប្រច័ណ្ឌក៏ទាមទាលែងលះជាមួយប្ដី តែប្ដីមិនព្រមលែងទេដោយបាននិយាយអង្វរថា បើបែកពីអូនបងក៏មិនរស់ដែរ។
ប្រភពដដែលនេះនិយាយទៀតថាប្ដីបានតាមលួងលោមសុំជានាគ្នាវិញអស់រយះ១ខែហើយតែនាងចេះតែគេចមុខប្ដីព្រោះមិននឹកស្មានថាប្ដីគិតខ្លីដូច្នេះសោះ។ ឪពុកបង្កើតនាងទើបតែស្លាប់បាន១០ថ្ងៃឥឡូវប្ដីស្លាប់ចោលទៀតធ្វើឲ្យនាងសោកសង្រេកជាខ្លាំង។
សមត្ថកិច្ចកំពុងធ្វើកោសល្យវិច័យសពដើម្បីបញ្ជាក់ឲ្យដឹងថាជាការធ្វើអត្តឃាតពិតប្រាកដឬយ៉ាងណា?។តាមការពិនិត្យរបស់ប៉ូលីសបច្ចេកទេសបៃអធិការដ្ឋានក្រុងប៉ោយប៉ែត សពនេះពិតជាបានធ្វើអត្តឃាតមែន ព្រោះនៅលើខ្លួននិងមុខគ្មានស្លាកស្នាមអី្វទាំងអស់ ដៃសពក្ដាប់ ប្រដាប់ភេទមានចេញទឹកកាមមកក្រៅដែលជាសញ្ញាបញ្ជាក់ថាករណីអត្តឃាតកម្ម។
ការធ្វើអត្តឃាតរបស់យុវជននេះគឺដើម្បីជាសក្ខីភាពបញ្ជាក់ថាគេមិនអាចរស់បែកពីប្រពន្ធបានមែន។
