សមត្ថកិច្ចនគរបាលចរាចរណ៍ផ្លូវគោ បានបញ្ជូនបុរសម្នាក់ទៅសាលាដំបូងរាជធានីភ្នំពេញ ដោយបានបើករថយន្តបុកកម្មករប្រមូលសំរាមបណ្ដាលឲ្យស្លាប់ ២នាក់ របស់ធ្ងន់ម្នាក់
ភ្នំពេញ : នៅវេលាម៉ោង ២:០០នាទី ថ្ងៃទី១២ ខែកក្កដា ឆ្នាំ២០២១ ការិយាល័យនគរបាលចរាចរណ៍ផ្លូវគោក បានបន្តនីតិវិធី និងមានចំណាត់ការលេីករណីគ្រោះថ្នាក់ចរាចរណ៍កាលពីថ្ងៃទី១២ ខែកក្កដា ឆ្នាំ២០២១ វេលាម៉ោង ០២ និង៤០នាទីរំលងអាធ្រាត ត្រង់ចំណុចមុខធនាគារហត្ថា តាមបណ្តោយមហាវិថីសហព័ន្ធរុស្សី ស្ថិតក្នុងសង្កាត់កាកាប ខណ្ឌពោធិ៍សែនជ័យ ដែលបណ្តាលឱ្យកម្មករប្រមូលសំរាមស្លាប់ចំនួន ០២នាក់ និងរបួសធ្ងន់ចំនួន ០១នាក់ ។
នៅរសៀលថ្ងៃទី១២ ខែកក្កដា ឆ្នាំ២០២១ វេលាម៉ោង ១៤ និង០០នាទីនេះ ការិយាល័យនគរបាលចរាចរណ៍ផ្លូវគោក បានកសាងសំណុំរឿង និងបញ្ជូនជនបង្កគ្រោះថ្នាក់ចរាចរណ៍ឈ្មោះ នេត នីសា ភេទប្រុស មុខរបរនៅផ្ទះ ស្នាក់នៅភូមិគោកឃ្លាង២ សង្កាត់ក្រាំងធ្នង់ ខណ្ឌសែនសុខ ទៅសាលាដំបូងរាជធានីភ្នំពេញ ដើម្បីអនុវត្តបន្តនីតិវិធីច្បាប់ ៕
