ខេត្តកំពង់ចាម ៖ មន្ត្រីជាន់ខ្ពស់ក្រសួងកសិកម្ម និងអភិបាលខេត្តកំពង់ចាម នៅថ្ងៃទី២៥ ខែមិថុនា ឆ្នាំ២០២៤ បានដឹកនាំមន្ត្រី ជំនាញចុះបាញ់ថ្នាំ កម្ចាត់សត្វដង្កូវស៊ីស្រូវប្រជាកសិករ ស្ថិតនៅភូមិទួលប៉ែន ឃុំតាអុង និងភូមិជយោត្បួង ឃុំជយោ ស្រុកចំការលើ។
![](http://rmn.asia/wp-content/uploads/2024/06/5F81355E-D5CA-4EB7-A7D8-64C28AA60B27.jpeg)
បន្ទាប់ពីទទួលព័ត៌មានពីប្រជាកសិករ នូវករណីដង្កូវស៊ីបំផ្លាញស្រូវខាងលើនេះ លោក អ៊ុង សំអាត និងលោក អ៊ុន ចាន់ដា បានអញ្ជើញចុះពិនិត្យដោយផ្ទាល់ទីតាំងស្រែស្រូវរបស់បងប្អូនប្រជាកសិករ ដែលទទួលរងការយាយី ដោយសត្វដង្កូវ ស្ថិតនៅភូមិ ឃុំដូចខាងលើ។
ក្រោយពិនិត្យឃើញថា ស្រូវរបស់ប្រជាកសិករជាច្រើនហិកតា បានទទួលរងការយាយីដោយសត្វដង្កូវ លោក អ៊ុន ចាន់ដា អភិបាលខេត្ត និងតំណាងក្រសួងកសិកម្ម បានចាត់ឱ្យមន្ត្រីជំនាញចុះបាញ់ថ្នាំកម្ចាត់សត្វដង្កូវ ឱ្យអស់ពីស្រែស្រូវរបស់ប្រជាកសិករភ្លាមៗ ។
លោក អ៊ុន ចាន់ដា អភិបាលខេត្តកំពង់ចាម ក៏បានស្នើឱ្យអាជ្ញាធរមូលដ្ឋាន សហការជាមន្ត្រីជំនាញ និងប្រជាពលរដ្ឋ បន្តចុះពិនិត្យមើលតំបន់ផ្សេងៗទៀត ក្រែងមានករណីនេះ កើតឡើងដូចគ្នាដើម្បីមានវិធានការឱ្យបានទាន់ពេលវេលាផងដែរ៕
![](http://rmn.asia/wp-content/uploads/2024/06/B8FF3B92-4B86-4EAA-83FE-1E0268A34994.jpeg)
https://www.facebook.com/FastNewRaksmey?mibextid=ZbWKwL
https://www.rmn.asia
https://t.me/+cYqQWKH24_I5ZjE1
RaksmeyNews ព័ត៌មានទាន់ហេតុការណ៍ សូមទំនាក់ទំនងផ្ដល់ព័ត៌មាន 086976222។
![](http://rmn.asia/wp-content/uploads/2024/06/9260C73E-F71A-4A78-9038-E1EDB15706EE.jpeg)
![](http://rmn.asia/wp-content/uploads/2024/06/87B986D5-CC91-4085-BB93-D50C82A49D56.jpeg)
![](http://rmn.asia/wp-content/uploads/2024/06/60F501F6-0DDF-4A42-908F-E22F76E7ABC9-1024x697.jpeg)
![](http://rmn.asia/wp-content/uploads/2024/06/BCEA8456-3D49-4C9D-BD1B-5E8AB052732B.jpeg)